ĐES DASIKANE JEKHUTNIMASKO, TROMALIMASKO THAJ NACIONALNE STJAGOSKO

E Srbija thaj Republika Srpska lošanin ađes 15. septembro, Đes dasikane jekhutnimasko, tromalimasko thaj nacionalne stjagosko, ando Beogrado thaj aver forurja avena inćarde butimašće manifestacije, a šerutno lošanipe avela inćardino po Savsko trgo paša liparimasko bar Stefanošće Nemanjaće.

Pale godova, Nacionalno konsilo rromane nacionalne minoritetonendar, inkalda o stjago Republikatar Srbijatar po balkono pire thanestar ando Beogrado, thaj gajda khetanisajlo butimašće institucijenđe thaj forutnenđe pe kašće balkonurja thaj ćhera ađes phakarelape raštrako stjago.

Rromani populacija šelbršutnena palal sas paša Srbija thaj dasikano them. Naštik te bistrelpes kaj si e rromani populacija majpašo amal raštraće Srbijaće thaj dasikane themešće thaj kaj vi e Rroma dine pire trajurja šelbršutnenca dum-dumeja e dasikane thmesa pala tromalipe Srbijako.

Author: RNS

Leave a Reply

Your email address will not be published. Required fields are marked *