Maškarthemutno đes rromane čhibjako lošanisardape ando Banato

Rromano kulturako maškar andar foro Pančevo sar kotor pire bućarimasko vi kale bršesa ulavel sikavimašće šeja save sikaven rromani čhib ande sikavne thana ando južno Banato.

Palo Maškarthemutno đes rromane čhibjako, sikavimašće šeja therdine 32 sikamnimatarja save sićon losarimasko šeho rromani čhib e elementonenca nacionalne kulturako ando fundosko sikavno than „Predrag Kožić“ ando than Dubovac.

E sikavimašće šej pašo prezidento kulturaće maškaresko andar Pančevo Stevan Jovanović, savo si vi membro Nacionalne konsilestar e Rromendar, uladine vi o ažutimatari prezidentosatar guvernatar Dušan Maksimović, koordinator pala rromane pučhimata Vesna Novakov, sikavni rromane čhibjatar Jadranka Dragomirov thaj šerutni sikavne thanestar Lidija Veseli

E čhavorra ođardinepe sikavimašće šejenđe thaj sikada bahtardipe odolaći kaj inćaren šajipe palo sikavipe pire dejaće čhibjako, a o šerutno Rromane kulturaće maškaresko Stevan Jovanović kamla lenđe te sa majlačhe sikaven thaj te inćaren sa lačho aresipe ando sićope.

RNS

See author's posts