BUĆARIMASKO MALADIPE MANUŠENDAR ANDAR NACIONALNO KONSILO THAJ EKUMENSKO HUMANITARNO ĆIDIPE

Sar kotor khetanimaske bućarimasko thaj nakhavimasko programonendar pale inkluzija e Rromenđi po lokalosko nivelo, ando Nacionalno konsilo rromane nacionalne minoritetonendar, inćardo si bućarimasko maladipe bešimasko andar Nacionalno konsilo thaj manuša andar Ekumensko humanitarno ćidipe andar foro Novi Sad

Andar alav katar Nacionalno konsilo po maladipe sas o prezidento Dalibor Nakić, e šerutni po Gatisarimasko odbori Pava Čabrilovski thaj membrurja Konsilestar thaj odborestar palo sikavipe Ljiljana Mihajlović thaj Zdravka Simić.

Ando alav katar Ekumensko humanitarno ćidipe, po maladipe sas o direktori Anna Brtka Valent, menadžero projektoske bućarimasko Slađana Jovanović thaj Angela Elmiger ando alav katar „Heks&Eper“ švajcarsko donatoresko ćidipe.
Po maladipe dijapes svato pale khetanimašće programurja thaj bućarimata save anena majlačhimasko aresipe rromane populacijako andar kotor sikavimasko thaj bešimasko, sar kotora save si anglune pala sa jekh inkluzija e Rromenđi.

Dijapes svato vi pala avutnimašći revizija Strategijaći pala socijalna inkluzija e Rromenđi thaj Rromnjenđi, po savo o Konsilo thaj EHO aktivno lena kotor, a ulado lesamalipe avela dino pale kotora ande kultura e Rromenđi thaj antidiskriminacija, sar lundžarde čhutine kotora ande Strategija.

RNS

See author's posts