SIKAVIMAŠĆE ŠEJA PALA SIKAMNE RROMANE NACIONOSTAR ANDO THAN ALEKSANDROVAC
Prezidento Nacionalne konsilestar rromane nacionalne minoritetonendar, Dalibor Nakić, thaj prezidento Gatisarimašće odborestar Pava Čabrilovski, sas ande vizita guvernaće Aleksandrovac thaj khetane e prezidentova guvernatar, dr Mirkova Mihajlović, uladine e sikavimašće šeja pala čhavorra save džan ande fundošće thaj maškarutne sikavne thana rromane nacionostar katar teritorija guvernatar Aleksandrovac.
Po bućarimasko maladipe bešimasko, o prezidento guvernako, dr Mirko Mihajlović, ulada e informacije prezidentošće Nakić palo than rromane nacionalne minoritetosko, thaj phangle pale godova inkalda kaj e guverna lel sama palo sikavipe rromane čhavorrengo, sar vi palo kvaliteto trajosko rromane familinengo ande Župa.
Prezidento Nakić naisarda palo maladipe thaj inkalda kaj si but čaljardo sar e guverna Aleksandrovac nakhavel e inkluzija e Rromenđi thaj akharda o šerutnipe guvernako te lel kotor pe sa ćherutne thaj maškarthemutne projekturja save inćaren palo kamipe buhljaripe thanengo e Rromengo.
Prezidento Gatisarimašće odboresko Nacionalne konsilestar rromane nacionalne minoritetonendar, Pava Čabrilovski, inkalda kaj ando Aleksandrovac aresli kamimava te zurjavel o projekto katar Ćidipe Romanošo Karipei, savo vaćarel palo sikavipe e Rromengo. Voj inkalda kaj o nivelo sikavimasko šaj te inćarel efekto po kvaliteto trajosko sa jekh manušesko, sar vi rromane čhavorrengo.