15 BRŠA KATAR MENTORAKO PROGRAMO – REF SRBIJA

Sar kotor lošanimasko 15 bršengo katar mentorako programo Rromane sikavimaske fondostar – REF Srbija, inćardape e konferencija savi ćida e mentorja andar sasti Srbija.

Konferencija putarda e manušnji andar Ministerijumo sikavimasko Elma Elfić Zukorlić, khetane e ko-direktoreja Fondacijatar palo sikavipe e Rromengo, Ređepali Čupijeva thaj prezidentosa Nacionalne konsilestar rromane nacionalne minoritetorendar, Daliboreja Nakićeja.

Mentorako programo nakhavelpes lundžardimava katar 2007. brš thaj dži akana kava programo nakhline majbut katar 300 mentorja. Pale kala 15 brša, zurjavipe mentorendar therdine majbut katar 2.500 terne Rroma thaj Romnja.

Mentorako programo zurjavimasko sikamnenđe rromane nacionostar kotor si projektosko “Zurjavipe palo therdipe bućarimasko terne Rromengo – faza II”, kasko inćarimatari si o FOR, učhardo programostar katar Njamcickano finansijako khetanimasko bućaripe, a nakhado si katar Njamcickani buhljarimaski banka KFW, ando alav Thagarimastar FR Njamcickatar – Ministerijumo pale ekonomikano khetanimasko bućaripe thaj buhljaripe

Prezidento Nakić ando piro vaćardipe mothodimasko naisarda o programo mentorako zurjavimasko thaj sikada po semnipe afirmativne merengo ando baro anglunipe ando proceso sikavimaske inkluzijako e Rromengo. Nacionalno konsilo vi majdur avela paćivalo partneri REF-oske thaj resoraće ministerijumošće ando nakhadipe inkluzivne politikengo ando sikavimasko proceso terne Rromengo thaj Rromnjengo

RNS

See author's posts