Prezidento Nacionalne konsilestar rromane nacionalne minoritetonendar, Dalibor Nakić, bahtarda ando alav membrurjengo Nacionalne konsilestar thaj piro personalno alav, sa čačepaćivale Rromenđe ađesutno sumnalo đes – e Bibijaka (e Bibija).

Prezidento Nacionalne konsilestar rromane nacionalne minoritetonendar, Dalibor Nakić sas ađes ando Parlamento Republikako Srbijako po sikadipe Nacionalne platformako pale integracija e Rromenđi ande Srbija. Pašo prezidento Nakić, ando alav katar Nacionalno konsilo, saas vi o prezidento Gatisarimašće odborestar, Pava Čabrilovski, pokrajinaći dikhljardi thaj membro Konsilesko, Jelena Jovanović, thaj guvernako membro ande Smederevska Palanka thaj membro Konsilesko, Zdravka Simić.

Šerutno misijako OEBS-osko, L.E. Jan Bratu, sas ande vizita Nacionalne konsilešće rromane nacionalne minoritetonendar thaj ćerda bućarimasko maladipe bešimasko e šerutneja Nacionalne konsilestar, Daliboreja Nakić thaj leske pašune bućarnenca.

Prezidento Nacionalne konsilestar rromane nacionalne minoritetonendar Dalibor Nakić, sas khetane e šerutnjava Gatisarimaske odborestar Pava Čabrilovski thaj pokrajinaće dikhljarnava thaj Konsilešće membrosa, Jelenava Jovanović, rromano than „Slana bara“ ando Novi Sad.

Ađes ando šerutno holo Pokrajinaće thagarimasko inćardo si maladipe pokrajinaće sekretaresko palo sikavipe, dine inkalde ramosarimata thaj nacionalne minoriteturja – nacionalne amalimata, Žolt Sakalaš thaj manuša andar Nacionalne konsilurja nacionalne minoritetonendar ande Republika Srbija, save pašo finansiripe andar republikako budžeto čačaren finansijaće dinimata vi andar pokrajinako budžeto, savenđe o bišimasko than si čhutino pe teritorija AP Vojvodinaći.

Ando Beogrado inćardapes agorimasšći konferencija katar Sevrjamaći konferencija katar forurja thaj guverne (SKGO) thaj po kasavo varo agorisardapes štatbršengo programo „Zurjavipe EU pale inkluzija e Rromenđi – majzurjavipe lokalošće amalimatengo pala inkluzija e Rromenđi.“