Ađes ande bešimaske thana Nacionalne konsilestar rromane nacionalne minoritetonendar sas inćardini 40-ti bešutni Gatisarimaske odborestar. E bešutni šerutnisarda o prezidento Gatisarimašće odborestar, Pava Čabrilovski, a ramosarimatari ašunimašće lilestar inćarda o generalno sekretari, Dejan Vlajković.

Nacionalno konsilo rromane nacionalne minoritetonendar thaj Konsilo katar lokalosko ortuipe – Omoljica ando foro Pančevo, ćerdine tradicionalno renkalipe patrađake angrrendar e čhavorrenca andar rromano than andar Omoljica.