Sar kotor zurjavimasko sikamnenđe rromane nacionostar, Ekumensko humanitarno ćidipe andar Novi Sad, inćarda e Konferencija “Čorrîpe thaj sikavimasko harnjardipe rromane čhavorrendar – akhardimata ande vrjama katar KOVID-19 pandemija”, pe savi o kotor line vi e manušnja andar Odboro palo sikavipe Nacionalne konsilestar rromane nacionalne minoritetorestar, Zdravka Simić thaj Dobrila Đin.

Ando kotor sikadimasko Ramosarimasko forutnengo, savo inćarelape katar 01. džiko 31. oktobro 2022. brš pe teritorija Republikaći Srbijaći, Nacionalno konsilo rromane nacionalne minoritetosko, sar partneri Republikane zavodostar pale statistika, nakhavel but bućarimata ando kamipe te sikadolpes ramosaripe thaj informišipe rromane poplacijako palo semnipe inkaldimasko talo fundo katar nacionano membripe.

Prezidento Nacionalne konsilestar rromane nacionalne minoritetorestar, Dalibor Nakić, khetane e prezidentova Gatisarimaske odborestar, Pava Čabrilovski thaj generalne sekretareja, Dejanova Vlajković, inćarda trito bešimasko maladipe e džipašerutneja prezidentostar Parlamentostar forostar Beogradostar, Igoreja Jovanović.

Angluno džipašerutno Thagarimasko Srbijako thaj ministro palo sićope, gođaveripe thaj tehnologikano buhljaripe Branko Ružić alavarda kaj o Ministerijumo lundžarel te buhljarel o kujbo pedagogikane asistenturjengo palo zurjavipe sikamnenđe rromane nacionostar thaj kaj pala sikavimasko 2022/2023. brš si angažuime inke 10 neve.

Khetanimaske bućarimava e guvernava Senta thaj Nacionalne konsilesa rromane nacionalne minoritetoreja, vi ando kava brš ando kotor LAP-osko pale Rroma thaj projekto Ćidimasko e Rromengo andar Senta savo si zurjardo katar pokrajinako sekretarijato palo sikavipe, inkalde ramosarimata, ortuipe thaj nacionalne minoriteturja – nacionalne amalimata pala khetane 110 rromane čhavorra save džan ando fundosko sikavno than thaj majanglune sikavne thana (hurdalina) therdine si sikavimaske šeja.

Šerutnipe Nacionalne konsilestar rromane nacionalne minoritetorestar, po čikat e prezidentova, Daliboreja Nakićeja, inćarda bućarimasko bešimasko maladipe e maj šerutne manušenca katar Republikako zavodo pale statistika thaj bućarnenca andar kotor palo Ramosaripe forutnengo ande 2022. brš. Ando kamipe palo sa maj lačhe thaj kvalitetno

Pala therdipe stipendijako šaj te alavarenpes: Sikamne rromane nacionostar katar I džiko IV klaso šaj te alavarenpes palo therdipe stipendijengo te džan ande maškarutne sikavne thana kasko fundosarimatari si e Republika Srbija, Autonomna pokrajina jal kotor lokalošće korkorroortuimatengo, te o akanutno sikavimasko brš ramosardine po angluno drom, te o lengo sićope učharelpes andar budžeto Republikako Srbijako, e bešimašće thaneja pe teritorija Republikaći Srbijaći.