BUĆARIMATA NACIONALNE KONSILESTAR E ROMENDAR ANDE VRJAMA KANA SAS AVRJALRÎNDOŠĆI SITUACIJA
Nacionalno konislo rromane nacionalne minoritetonendar pale vrjama kana sas avrjalrîndošći situacija inćarda baro đindo bućarimatengo save rodine sajekh komunikacija e udžilie ministerijumonenca, lokalošće korkorroortuimatenca zhaj ašunimašće firmenca
But droma musaj te ćera sigo kana e rromani populacija sas talo dukhaldipe. Semas maškarne ando svato e EPS phanglo palo mukhlipe električne energijako ando rromano than „12. februar“ ando foro Niši, dromardine cisternengo e pajesa ande rromane thana ando buhljaripe Srbijako kote kaj naj paj.
Detot ašarasmen godoleja kaj siđarimašći rekacija Thagarimastar Srbijatar po fundo rodimasko Nacionalene konsilestar e rromendar savo bičhlada ramosarimata Thagarimašće Srbijaće, Ministerijumošće palo bućaripe, therdipe bućarimasko, socijalne thaj marimašće pučhimata thaj Ministerijumošće pala raštrako ortuipe thaj lokalosko korkorroortuipe ande save roda te delpes ulado lesamalipe po socijalno dukhaldi rromani populacija, detot godoleja te e lokalošće mehanizmurja pala inkluzija e Rromeđi lel kotor ando ažutisaripe
Rezultaturja katar svaturja e udžile miniterijumonenca Thagarimastar Srbijatar, kabinetosa katar Lesamalimatari forutnengo thaj aver semne faktorenca ando lesamalipe rromane populacijako si bućarimata thaj mere katar save varesave akana nakhavenpes, a sigo šaj te ažućarelpes vi o uladipe 50550 paketurjendar palo ažutisaripe rromane familijenđe, sar vi alavarda o ministro Đorđević.
Nacionalno konsilo rromane nacionalne minoritetonedar ande avutnimaske đesa inkalela informacije pale dinamika katar uladipe paketurjengo, a Konsilešće membrurja lena kotor khetane e volonterenca Lole trušelastar ande pire trujalimata.
Inke jekhvar dasa tumen dođi te nakhaven mothodimata udžilie organonedar thaj te len sama pe tumende thaj pire majpašune.
Inke jekhvar dasa tumen dođi te nakhaven mothodimata udžilie organonedar thaj te len sama pe tumende thaj pire majpašune.
Romski Jezik 
Српски језик