THERDE BUĆARIMAVA PALO MAJBARO ĐINDO E RROMENGO ANDO PROCESO RAMOSARIMASKO FORUTNENGO SIKADAPE PHERDO DEMOKRATIKANO ŠAJIPE RAŠTRAKO SRBIJAKO
Šerutnipe Nacionalne konsilestar rromane nacionalne minoritetorestar, po čikat e prezidentova, Daliboreja Nakićeja, inćarda bućarimasko bešimasko maladipe e maj šerutne manušenca katar Republikako zavodo pale statistika thaj bućarnenca andar kotor palo Ramosaripe forutnengo ande 2022.
. Ando kamipe palo sa maj lačhe thaj kvalitetno nakhavipe ramosarimasko forutnengo, Nacionalno konsilo sar majsemno partneri Zavodosko ando proceso ramosarimasko, mištarda but khetaniamašće bućarimata ando kamipe promocijako, a nevipe si vi godova kaj po angluno drom, e Rroma araćhenape ande nekozom bućarimata ando proceso ramosarimasko, a uladimasa trubulipe sit e alavarelpe baro đindo instruktorengo, ramosarimatarnengo thaj asistenturjengo ramosarimatarendar save avena bućarne ande forurja thaj guverne ando buhljaripe Srbijako kaj sikavelpes trubulipe palo lundžardo bućaripe asistenturjengo.
Ando kamipe promocijako thaj sa majinćarimašće ramosarimasko, o šerutnipe Konsilestar, membrurja Konsilestar thaj amare kobućarne, ande avutne čhon đesa, avena ande vizite ande forurja thaj guverne thaj dena svato e rromane forutnenca.
Pašo prezidento Nakić, po bućarimasko maladimasko bešipe ando alav Nacionalne konsilstar, sas vi e šerutni Gatisarimašće odborestar, e raji Pava Čabrilovski thaj generalno sekretari, Dejan Vlajković.
Ando alav Zavodosko, po maladipe sas e ažitimatari direktorestar, Snežana Lakčević, šerutni kotorestar palo ramosaripe, Ljilja Đorđević thaj kobućarne.

RNS

See author's posts