BAHTARDIPE PREZIDENTOSTAR NACIONALNE KONSILESTAR RROMANE NACIONALNE MINORITETONENDAR PALO LOŠANIPE MAŠKARTHEMUTNOSKO ĐES E RROMENGO

Nacionalno konsilo rromane nacionalne minoritetonendar sa e Rromenđe ando them bahtarel „08. aprilo“ – Maškarthemutno đes o Rromengo, sar jekh katar majsemne đes ando dumutnipe rromane themesko, kaj po godov đes, ando Londono 1971. brš inćardapes Angluno Kongreso e Rromengo savo inkalda čačaripe sikavimasko membrurjengo rromane amalimastar: stjago, himna, univerzalno alav Rroma, sar vi čačaripe strateške dokumentonengo semnimastar pala rromano them, a detot čhinadimava Nacionalne konsilestar rromane nacionalne minoritetonendar po fundo Dine mothodimasko pale nacionalne minoriteturja. alavardo si vi andino ando registro sumnale đesengo nacionalne minoritendar Thagarimastar Republikastar Srbijatar sar nacionalno sumenlo đes e Rromengo. Majdur, kava đes si čhutino thaj čačardo vi katar Generalno ParlamentoJekhetane Nacijendar.
Nacionalno konsilo rromane nacionalne minoritetonendar kamel te sikavel kaj si semne zuralimata thaj bućarimata raštratar te majbuhljarelpes o than thaj integracija membrurjendar rromane nacionalne minoritetonendar ande sa procesurja katar ekonomikano, amalimasko, kulturako thaj politikano trajo ande Republika Srbija, sar vi kaj majdur si ačhadimata te godova proceso aresimasa gatisarelpes. jal te fundosarelpes pherdo jekhetanipe e Rromendar thaj aver forutnendar. Kava đes delmen gođi thaj liparel kaj musaj te lundžaras te bućaras, te vazdesmen, sar crdasa lesamalipe ašunimasko, forutnengo thaj institucijengo pe ačhadimata savenca e Rroma malavenpes ando sajekhđesesko trajo.
Ađes kamas te sikavas pherdo zurjavipe Aleksandrošće Vučićeske, prezidentošće Republikatar Srbijatar thaj membrurjenđe Thagarimaske Republikaće Srbijaće po čikat e premijerkava, sar vi membrujenđe andar Krizako šerutno than, save marenpes palo arakhadipe manušikane trajurjengo sa e forutnengo Srbijako. Sa e familineđe save hasardine pire maj kamlimašće ande kava phari situacija savi čhutapes pe amende sikavas putarde ilesa rovipe.
Pala sa kala lipardo, vi paše godova kaj kava lošanimasko đes tradicionalno lošanilpes sa jekh brš tale butimašće kulturaće manifestacije ando buhljaripe Republikako Srbijako thaj saste themesko kamimasa te sikavelpes po marginalizuime than rromane nacionalne minoritetonendar, pharimata thaj ačhadimata savenca rromano amalipe malavelpes zbogal čorrîpe, predrasude thaj diskriminacija, ando kava brš či inćarelape Centralna manifestacija thaj aver planirime manifestacijengo, odolaći kaj si globalna pandemija ćerdini virusova KOVID-19.

Nacionalno konsilo rromane nacionalne minoritetonengo bahtarel lošanimasko đes sa e Rromenđe, a sa e forutnenđe Republikatar Srbijatar kamel lačho sastipe!

Bahtalo Tumenđe Maškarthemutno đes e Rromengo. Len sama pe tumende thaj ačhen ćhere. Baxtalo tumenge Lumnjako đes Rromengo. Araćen tumen thaj ačhen khere.

Predsednik Dalibor Nakić

RNS

See author's posts