ŠTARTI RÎNDOSKI BEŠUTNI PANDŽTE AKHARDIMASKO NACIONALNE KONSILESTAR RROMANE NACIONALNE MINORITETORESTAR

Ande bešavimašće thana Parlamentostar Forostar Pirot, inćardape Štarti rîndoski bešutni Pandžte akhardimasko Nacionalne konsilestar rromane nacionalne minoritetorestar. Bešutni inćarda thaj šerutnisarda o prezidento Dalibor Nakić, prezidento Konsilestar.

Đesesko rindo bešimasko:

1. Čačardipe Ramosarimaske lilestar katar trito rîndosko bešipe parlamentostar Nacionalne konsilestar rromane nacionalne minoritetorestar; Čačardipe Lilesko revizijatar pala 2022. brš; Čačardipe čhinadimasko Gatisarimašće odborestar maškar trito thaj štarto bešipe parlamentostar Nacionalne konsilestar rromane nacionalne minoritetorestar;
2. Usvajanje revizorskog izveštaja za 2022. godinu;
3. Usvajanje odluka Izvršnog odbora između treće i četvrte sednice skupštine Nacionalnog saveta romske nacionalne manjine;
4. Averčhande pučhimata

Pe bešutni jećhekrlesa čačardinepe sa čhinadimata Gatisarimašće oborestar maškar 3. thaj 4. bešutni, thaj jećhekrrlesa čačardine Lil revizoresko pala 2022. brš.
Majanglal bešutni inćardapes konferencija pale medije pe savi anglal Forosko ortuipe Pirot svato dija o prezidento parlamentosko Milena Dimitrijević. Inkalda kaj majbut katar biš brša bare bućarelpes po majbuhljaripe infrastrukturako ando rromano than, e sokača si asfaltirime, andini si kanalizaciono thaj pajesko kujbo thaj roš. Inkalda kaj butipe Rromengo ando Pirot si bućarde, no kaj si trubulipe te delpes majbut zuralimata sar majbut majbuhljarelaspe bućaripe e Rromengo. Majdur dija gođi kaj o foro Pirot ando kotor programosko ROMAKTED, khetanimasa e ćidimava „Ternipe“, alavardapes projektova savesa si dino fundosaripe Rromane kulturaće maškarestar savo avela ando buhljarimasko maškar „Phralipe“ ando objekto savo si talo inćaripe Forosko.
Prezidento Nacionalne konsilestar rromane nacionalne minoritetorestar Dalibor Nakić sikada bahtalipe sa e rezultatonenca save o Foro Pirot inćarel ando proceso integracijako e Rromengo. “Foro Pirot si sikadipe lačhe praksako kaj aresel lačhe rezultaturja palo majbuhljaripe thanengo e Rromengo thaj integracijako e Rromengo. Rromano kulturako maškar Pirot kasko fundosarimatari avela Nacionalno konsilo rromane nacionalne minoritetorestar avela semno palo sikadipe rromane kulturako sar majzurale šejengo ando maripe opral stereotipurja thaj predrasude save si phangle pale Rroma ando jekh kotor amalimasko. Khetanimaske zuralimava zumavasa te vazdas thaj te ćeras sa majbut toleranto amalipe kaj sa jekh individual inćarela šajipe te sikavel piro averčhandipe thaj pire potencijalurja. Semno si amenđe sićope thaj kate o Nacionalno konislo dela zurjavipe sar sa majbaro đindo čhavorrengo prdal afirmativne mere ramosarenape ande vuče sikavne thana thaj te sa majbaro đindo sikamnengo save džan ande maškarutne sikavne thana theren stipendije” – mothoda o prezidento Nacionalne konsilestar e Rromendar.
Jelena Jovanović, membro Konsilesko thaj dikhljardi ando pokrajinako Thagaripe inkalda kaj si pale Nacionalno konsilo rromane nacionalne minoritetorestar semne kotora sićope, kultura, arakhadipe čhibjako thaj ašunimasko hasnaripe čhibjako thaj lilarimasko. Inkalda vi godova kaj maj lačho haćaripe andar Pirot si o phandadipe lokaloske korkorroortuimatar palo rromano amalipe sar vi aktivizmo rromane civiloske sektorestar. “Kova so amen sar rromano amalipe trubus te bućaras si te arakhas piri dejaći čhib, naj čhutino ande fundošće sikavne thana, akana džan pučhimaske lila te godova avel losarimasko šeho, e bijandimatarja rromane čhavorrendar trubun te zurjavel čhavorren te sićon čhib ande sikavne thana, kaj te hasarasa piri čhib hasarasa vi amaro identiteto” – mothoda o membro Konsilestar, Jelena Jovanović.
Silvija Nešić, membro Nacionalne konsilestar thaj prezidento Odborestar pale kultura, inkalda kaj e membrurja Nacionalne konsilestar save sas pe bešutni buhljarenpes pe sasti teritorija Srbijaći, sar kaj si ađes ando Pirot, te dićhen o foro thaj te pindžarepes e forutnenca.

Video dićhipe:
https://youtu.be/J3nnrX1_mWY

RNS

See author's posts