DAJMO KRILA SVAKOM DETETU
DAM LEN PAKHA

Ando Beogrado inćardapes e konferencija „Te das e phaka sa jekh čhavorrešće“ pe savi dijapes svato palo semnipe sikavimasko ando majanglune brša, detot čhavorrengo andar dukhaldimašće kupe.

Anglal butimašće vuče dostonen andar ćherutne thaj maškarthemutne ćidimata save bućaren palo than e čhavorrengo ande Srbija, kotor line vi baro đindo rromane pedagogikane asistenturjengo maškar save si vi membrurja andar Nacionalno konsilo rromane nacionalne minoriteto.

O Nacionalno konsilo rromane nacionalne minoritetonendar sikada o prezidento Dalibor Nakić savo vaćarda ćidimatešće:

Nacionalno konsilo rromane nacionalne minoritetonengo zurjavel bućarimata save e raštra Srbija ande palune brša nakhavel te o paketostar merendar majlačharel demografsko pilta, a vi o čučo prezidento Vučić ande pire mothodimata butimasa sikavel po semnipe vazdimasko natalitetosko ande Srbija. Rromane čhavorra si sar aver čhavorra ando them. Naj niči majcîrra jal majbut gođaver thaj šajimašće katar aver čhavorra ando them,. Lenđe si trubulipe te delpes cikno zurjavipe thaj zuralipe, savo po bibaht, pala baro đindo socio-ekonomikane rezonurjengo či theren ande familija, sar lenđe potencijalurja avela maksimalno hasnarde. Vi e rromane čhavorra šaj te aven sar gođaverimatarja, sastarne, inženjerja, ortuimatarja, profesorja, ekonomisturja, sportisturja te, sar kaj vi o alav ađesutne konferencijako mothol, „Das len Phaka“ (dajmo im krila).

RNS

See author's posts