DALIBOR NAKIĆ ANDE VIZITA KO POMORAVSKO ORTUIMASKO KOTOR: PRIORITETO RROMANE AMALIMASKO ANDO POMORAVSKO ORTUIMASKO KOTOR SI SIKAVIPE; BEŠIPE THAJ THERDIPE BUĆARIMASKO!“

Prezidento Nacionalne konsilesko rromane nacionalne minoritetonengo Dalibor Nakić thaj kobućarno andar kotor sikavimasko Momčilo Mutatović, sas ande vizite rromane thanenđe ando Pomoravsko trujaliamsko kotor (Ćuprija, Jagodina thaj Paraćin).

Vizita Pomoravske ortuimaske kotoreske teljardine vizitav pe Vuče medicinako sikavimasko than strukovne studijengo ande Ćuprija kaj ažućarda len o ažutimatari direkoresko palo sićope, o raj Hristos Aleksopulos. 
Dine svato pale mere save majloćarena studiripe studentonenđe rromane nacionoske, sar vi pale khetanimaske bućarimata pe promocija sikavimašći e Rromenđi ando kava kotor Srbijako.
Ando svato e šerutnimatarnenca kale sikavne thanestar, o prezidento Nakić inkalda kaj si but čaljardo statusostar studentonendar rromane nacionostar save džan po Vučo medicinako sikavno than strukovne studijengo ande Ćuprija, dićhimasa po fakto kaj ande kava sikavimasko than si but studenturja rromane nacionostar thaj kaj e sikavno than del sa pestar te sa jekh studentonenđe maksimalno ažutisarel sar ačhelas ando sistemo. 
Talo svatoo ando sikavno than, e vizita si lundžardi gajda kaj đelapes ande rromane thane ande Ćuprija, Paraćin thaj Jagodina.

„Ando Pomoravsko regiono trajisaren majbut katat 5.000 Rroma thaj andar godova rezono si katar baro semnipe sajekh thaj direktno kontakto godole manušenca sar inćarasas vorta dićhipe pale lendđe trubulimata“, inkalda o Nakić.

Vo lundžarel kaj si o infrastrukturalno lačhardipe thanengo but semno, sar vi godova kaj o prioriteto Thagarimasko Srbijako thaj Nacionalne konsilesko e Rromengo adaptacija thaj vazdipe bešimašće thanengo sar čhinadipe palo majlačharipe bešimasko e Rromengo. O Nakić akharda sa udžilimaske guvernaće institucije te len kotor ando gatisaripe sa lundžebršengo pharimatengo savenca malavelpes rromano amalipe ando kava regiono, a detot sikada lesamalipe palo therdipe bućarimasko, sar jekh katar majsemne segmenturja Strategijatar pala socijalna inkluzija e Rromenđi thaj Rromnjenđi.
„Te aresas te maj cîrra jekh membro ćherutnimasko therel sevrjamako bućaripe, gîndiv kaj si aska maj loće te gatisarelpes integracija rromane ćidimasko ando amalipe“, inkalda o Nakić ando svato e forutnenca rromane thanendar ando Pomoravlje.

RNS

See author's posts