ĐES DEJAĆE ĆHIBJAKO INĆARDAPES ANDE KOVAČICA

ĐES DEJAĆE ĆHIBJAKO INĆARDAPES ANDE KOVAČICA

Maškarthemutno đes dejaće čhibjako lošanisarelpes ando buhljaripe themesko po 21. Februari, kamimasa te crdelpes lesamalipe po semnipe čhibjako sar kotor identitetosko etnikane amalimatendar, sar vi te ćerelpes sikadipe bućarimasko po arakhadipe čhibjako pala save gîndilpes kaj si dukhalde jal talo daravipe hasarimasko.
Ando than Kovačica putardi si manifestacija palo lošanipe Maškarthemutne đesestar dejaće čhibjatar. Inćardapes vi e angrustijali sinija talo alav “Informišipe sar šej palo arakhadipe thaj buhljaripe čhibjako thaj lilarimasko nacionalne amalimatengo”, thaj sikado si averčhando kulturno artistikano program.
Pe manifestacija sas e manuša andar ministerijumo kulturako, ministerijumo informacijengo thaj telekomunikacijengo, Pokrajinaće sekretarijatostar pale kultura thaj ašunimasko informišipe, Pokrajijnaće sekretarijatosa palo sikavipe, inkalde ramosarimata, ortuipe thaj nacionalne minoriteturja, Nacionalno komiteto palo khetanimasko bućaripe e UNESCO-sa, e manuša andar ambasade katar Slovačka, Rumunija thaj Ungriko, e manuša andar nacionalne konsilurja nacionalne minoriteturjendar, sar vi but dosturja.
Alisa Šajn, arlimatari prezidentostar Nacionalne konsilestar rromane nacionalne minoritetostar dija svato po maladipe, thaj sikada po semnipe arakhadimasko thaj lesamalimasko rromane čhibjako, pe lačhe riga thaj semnipe sikavimasko šehosko rromani čhib e elementonenca nacionalne kulturatar savo si jekh katar varurja te e čhavorra pindžarenpes e čhibjava, kulturava, barvale tradicijava thaj Rromane dumutnimasa, sar vi te zurjaven piro identiteto thaj te buhljaren haćaripe kaj si membrurja.
Po maladipe sas vi e manušaandar Nacionalno konsilo, Jelena Jovanović savi si vi pokrajinaći dikhljardi, sar vi Stevan Jovanović, prezidento Rromane kulturaće maškarestar forostar Pančevo.

Author: RNS

Leave a Reply

Your email address will not be published. Required fields are marked *