Đes kana delpes gođi pe viktimurja katar HOLOKAUSTO ando Dujto themesko maripe

Čhutimasa katar kujburja luluđendar, paša pherde katanijaće thaj raštraće bahtardimast, ađes ando Beograd sas lošanisardo Maškarthemutno đes dinimasko gođako pe viktimurja katar Holokausto, 27. januari.


Maškarutni ceremonija ko Liparimasko bar viktimonenđe genocidostar ando Dujto themesko maripe, ando kotor kompleksosko kaj varekana sas nacistikano logori mulimasko „Staro sajmište“ po Novi Beograd, inđarda o bičhaldo prezidentostar Republikatar, o ministro palo bućaripe, therdipe bućarimasko, marimašće thaj socijalna pučhimata, Zoran Đorđević.

Ando alav Nacionalne konsilesko rromane nacionalne minoritetonenendar, o kujbo luluđengo čhutine šerutni Gatisarimaske odboresko, Pava Čabrilovski, membro Gatisarimaske odboresko Stevan Jovanović thaj Generalno sekretari Dejan Vlajković.


E kujburja luluđendar čhutine vi o beogradosko forosko šerutno Zoran Radojičić, ambasadori Izraelostar thaj ĆAR Alona Fišer Kam thaj Kajl Skot, šerutno Delegacijako ande Srbija Sem Fabrici, e manuša andar Jevrejsko guverna thaj ćidimata.

Author: RNS

Leave a Reply

Your email address will not be published. Required fields are marked *