Ađes si inćardo maladimasko bešipe ando kabineto Lesamalimataresko forutnengo, Zorano Pašalić

Talo fundo ramosarimasko savo o Nacionalno konsilo rromane nacionalne minoritetonendar bičhalda sa udžilimašće institucijenđe pala inkluzija e Rromenđi, savi si phangli pala ažutisaripe thaj lesamalipe rromane populacijako pale vrjama kana sas avrjalrîndošći situacija, ađes inćardapes maladimasko bešipe ando kabineto Lesamalimataresko forutnengo, Zorano Pašalić.

Po maladipe ko lesamalimatari forutnengo sas o ministro pale bući, therdipe bućarimasko, marimašće thaj socijalne pučhimatengo Zoran Đorđević thaj šerutnipe Konsilesko, prezidento Dalibor Nakić thaj šerutni po Gatisarimasko odboro Pava Čabrilovski.

Prezidento Konsilesko, Dalibor Nakić mothoda kaj o Konsilo zurjavel e mere Thagarimastar save nakhavenpes, sar vi godova kaj e mothodmata pala humanitarna katastrofa savi si anglal rromani populacija barjarde. Kova so si ando kava momento semno si kaj ande milaješće čhona či ačhavelpes socijalno ažutisaripe, te majzurjavelpes harnevrjamako ažutisaripe, te inćarenpes šajimata pala ašuniimašće bućaimata palo lačhardipe rromane thanengo.

Ministro Đorđević inkalda kaj pala sasatrimašći kriza ćerdini virusosa KOVID-19 lak o ministerijumo ando khetanimasko bućaripe e Lole trušulestar lela sa trubulimašće mere sar e rromani populacija majloće naćhela e avrjalrîndošći situacija.
Đorđević majanglal akharda po Ministerijumo raštraće ortuimasko thaj lokaloske korkorrorotuimasko te lokalošće korkorroortuimatenđe mothol te ćerelpe definfekcija rromane thanendar, sar vi te kolenđe, save najlen o paj palo pipe thherenpes e cisterne pajesa, so si ando kava momento bare semnimastar. Đorđević inkalda kaj sa e forutne Srbijaće musaj te inćaren jekhetano lesamalipe, a lundžardo zurjavipe si majtrubulimasko kolenđe save si ande phari materijalna situacija.

Lesamalimatari forutnengo, Zoran Pašalić mothoda kaj sa e thanenđe ande save trajisaren rromani populacija trubulipe te therenpes čhinadimata palo trajo, a majanglal o paj palo pipe thaj higijena, habenatešće paketurja thaj paketurja palo inćaripe higijenako, so ande palnu vrjama sas vi rezono te sa kotorenđe lokalošće korkorroortuimatenđe bičhalelpes ramosaripe rodimasa te godova vi ćerelpe. Sar inkalda, baro đindo lendar sikade efikasno bućaripe, sar vi kaj ande khetanimasko bućaripe e Nacionalne konsilestar rromane nacionalne minoritetonendar dićhena e situacija ande sa trijalimata thaj bućarela kana avel džiko haradipe manušikane orturjengo. Rromane familineđe, odolaći kaj si ande phare materijalne čhinadimata, trubun lundžardo zurjavipe amalimasko thaj raštrako, mothoda o Pašalić thaj lundžarda kaj o kamipe ađesutne maladimasko si zurjavipe lenđe thanego.

Mištardo si kaj e manuša andar Nacionalno konsilo rromane nacionalne minoritengo len kotor ando bućaripe Lole trušulesko kana ulavenape paketurja ažutimaske pale Rroma ande kotora katar lokalosko korkorrorotuipe savo alavarda majanglal o ministro Đorđević.

Author: RNS

Leave a Reply

Your email address will not be published. Required fields are marked *