DELEGACIJA NACIONALNE KONSILESTAR ANDE VIZITA GUVERNAĆE BAČKI PETROVAC
Guverna Bački Petrovac po đes 13.02.2023. sas vizitisardi katar Prezidento nacionalne konsilestar rromane nacionalne minoriteritorestar Dalibor Nakić pire kobućarnenca. Po maladipe sas vi o Aleksandar Radulović, prezidento Gatisarimašće odborestar, Bajram Morina, generalno sekretari rromane nacionalne konsilestar, Šeća Kolompar, prezidento Odborestar palo ašunimasko hasnaripe čhibjako, Jelena Jovanović, pokrajinaći dikhljardi ando Parlamento AP Vojvodiinako thaj Ljiljana Mihajlović, direktori Kancelarijatar pale inkluzija e Rromenđi Novi Sad.
Svato po maladipe sas phanglo palo nakhavipe Lokaloske Akcione Planostar palo sikavipe Rromengo 2021-2025., savo sikada e Danijela Bogdanović, koordinatori pale rromane pučhimata. Po maladipe sas sikadino vi o Bršesko Raporto pala 2022. brš, Plano nakhadimasko LAP pala 2023. brš thaj video sikadipe katar terensko bućaripe. Sikadinepes aresarde rezultaturja, sar vi sa štar segmenturja ando kotor Dekadako e Rromendar: sikavipe, bešipe, kultura thaj therdipe bućarimasko.
Prezidento Konsilestar Dalibor Nakić, po kava maladipe e Danijelaće Bogdanović dija Naisarimasko Lil palo linipe kotoresko thaj bućaripe palo nakhadipe merengo palo majbuhljaripe thanengo e Rromengo ande guverna Bački Petrovac.
Romski Jezik 
Српски језик