E delegacije nacionalne konsilestar thaj manušendar e Rromendar andar Hrvatsko sas ande vizita ko Kulturako maškar e Rromengo ando foro Niš
Sar kotor lošanimasko katar Maškarthemutno đes mudardimasko e Rromengo ando Dujto themesko maripe, e delegacija katar Nacionalno konsilo sas khetane e parlamentoske dikhljarneja Veljkova Kajtazi thaj prezidentova katar Amalipe e Rromengo ande Hrvatska, Suzana Krčmar, Kulturako maškar e Rromengo ando foro Niš thaj sas ando rromano than “Jevrejsko groblje” thaj dija svato e forutnenca kale thanesa pale pharimata savenca malavenpes ando seđesutno trajo.
Avipe duj delegacijako lošanisardo si e rromane himnava “Đelem, đelem” thaj putarde ilestar ažućaripe katar ćherutne, direktorestar Kulturaće maškarestar thaj membrostar Konsilestar, Svetislav Jovanović, džipašerutne Gatisarimaske odborestar andar foro Niš Igor Paunović thaj džipašerutne anglune manušnjatar e forostar Niš, Dušica Davidović.
E delegacija katar Nacionalno konsilo rromane nacionalne minoritetostar, inđarda o prezidetno Dalibor nakić, khetane e prezidentova Gatisarimaske odborestar Pava Čabrilovski, džipašerutne Aleksandar Balinović, generalno sekretaro Dejan Vlajković thaj membro Konsilesko thaj prezidento kulturaće maškarestar e Rromendar ando foro Pančevo, Stevan Jovanović.
Sar kotor vizitako, inćardo si bućarimasko maladipe bešimasko e šerutnenca Kulturaće maškarestar, po savo dijape svato palo buhljarpe khetanimasko bućarimastar andar kotor kulturako maškar e Rroma andar Srbija thaj Hrvatska.
Sar sikadipe lačhe praksako ando khetanimasko bućaripe maškar rromane instuicije kulturaće thaj lokaloske thagarimata inkalda o šerutnipe Kulturaće maškarestar e Rromendar andar kruševac, ande kaski delegacija sas e Radomir Raka Vujičić, Danijel Lazarević thaj Nebojša Vujičić
Romski Jezik 
Српски језик