DRUGA FAZA ROMAKTED PROGRAMA U SRBIJI – „Promovisanje dobrog upravljanja i jačanje Roma na lokalnom nivou“
Ando klubo dikhljarnengo ando beogrado, sikadi si Teljarimašći konferencija khetanimaske programostar Evropaće Unijatar „ROMAKTED – FAZA II“, pe savi sas thaj dine svato ando andralunimasko vaćardipe e manuša andar ćherutne thaj maškarthemutne institucijengo. Ando alav Evropaće Konsilestar ande Srbija, Tobias Flesenkemper, ando alav delegacijako EU, L.E. ambasador Emeanule Giaufret, ministarka pala manušikane thaj minoritane orturja thaj amalimasko dijalogo, Gordana Čomić, raštrako sekretari ando ministerijumo pala raštrako ortuipe thaj lokalosko korkorroortuipe, Stevan Gligorin thaj Sonja Liht, prezidento Fondacijako BFPE pala udžilimasko amalipe.
Ando alav Nacionalne konsilestar rromane nacionalne minoritetostarm po sikadipe programosko sas o prezidento Dalibor Nakić thaj prezidento Gatisarimaske odboresko Pava Čabrilovski.
Prezidento Nakić ando piro vaćardipe inkalda o semnipe programosko ROMACTED thaj liparda kaj si but semno kaj si pindžardo trubulipe palo lokalosko bućaripe, kaj si godova ćija pala aresimašći integracija e Rromenđi
„Kava proceso butimasa si phanglo pale kapaciteturja, šajimata thaj gatisarimatata lokalošće korkorroortuimatengo te gatisaren akanutne pharimatenđe po sistematsko varo.“
majdur, o prezidento Nakić inkalda o semnipe inkluzijako rromane amalimasko ande procesurja palo andipe čhinadimatengo thaj politikengo, thaj si but semno te zurjavenlen te piro politikano bućaripe ćeren sa majdiklhavno.
Tale andralunimašće alava, ćerdape ramosaripe protokolsoko palo khetanimasko bućaripe maškar Ministerijumo pale manušikane thaj minoritane orturja thaj amalimasko dijalogo, Evropaće Konsilestar thaj manuša andar partnerske forurja thaj guverne: Aleksinac, Apatin, Bač, Kostolac, Kragujevac, Kruševac, Lebane, Niš, Pirot, Prokuplje, Subotica, Vrnjačka Banja, Zaječar thaj FG Zvezdara.
Romski Jezik 
Српски језик