DUJTO KONGRESO TERNE RROMENGO THAJ RROMNJENGO - REPUBLIKA HRVATSKA

DUJTO KONGRESO TERNE RROMENGO THAJ RROMNJENGO - REPUBLIKA HRVATSKA

Ando nakhlo vikendo, tale organizacija SRRH „Kali Sara“ andar Hrvatska, inćardo si Dujto kongreso terne Rromengo thaj Rromnjengo.

Talo akharipe kolendar save ćerdine o Kongreso thaj themeske dikhljarde ando hrvatsko Parlamento, Veljko Kajtazi, po Kongreso sas vi e manuša andar Nacionalno konsilo rromane nacionalne minoritetonendar andar Republika Srbija, o prezidento Dalibor Nakić, prezidento po Gatisarimasko odbori Pava Čabrilovski thaj prezidetno po Kulturako maškar e Rromengo ando foro Pančevo thaj membro Konsilesko, Stevan Jovanović.

Prezidento Dalibor Nakić ando piro andralunimasko mothodipe bahtarda sa e manuša save aviline po Kongreso, kamla lenđe aresimasko bućaripe thaj inkalda kaj se kasave maladimata katar baro semnipe pala sa terne ando regiono, detot kaj pašo amalipe thaj arlipe džanglimasko, baro lesamalipe delpes vi palo sićope džanglimatengo sar kaj si strateško planiripe katar projektne bućarimata, gatisarimata palo ašunimasko vaćardipe thaj aver kotora katar majbuhljaripe neformalne sikavimasko. Ćerdimatari kale maladimasko inćarda palo kamipe motivacija terne manušengo palo linipe inicijativako ando malipe, thaj odolaći andar godova rezono kalebršešći tema po Kongreso inćarda bućarimasko alav „Mobilizacija thaj bućaripe ternengo ando amalipe“ (Mobilizacija i rad mladih u zajednici“).

Maškar trin đesa kozom lundžardape o Kongreso, e terne inćardine šajipe te dićhen dokumenturja ande save motholpes pale orturja membrurjendar rromane nacionalne minoritetonengo, sar vi te sićon save orturja inćaren e terne Rroma ando sikavimasko proceso.

Bućardapes vi pale teme save si phangle pale diskriminacija ando sićope thaj bućaripe maškar forum teatro, a e trne maškar sikavimata thaj praktične vežbe therdine praktične džanglimata pala aktivno bućaripe thaj aresipe averčhandimatengo ando piro amalipe.

Jekh katar butimašće bućarimata po Kongreso, sas vi ramosaripe inkladimaske alavengo ande save e terne inkalen kamimata thaj trubulimata pire amalimatendar.

Po agor si inkaldino kaj inke majbut trubul te ćerelpe palo čačaripe andine inkaldimatengo sar po aver Kongreso sikadinepe e rezultaturja katar sastebršeske bućarimata.

Po agor si inkaldino kaj inke majbut trubul te ćerelpe palo čačaripe andine inkaldimatengo sar po aver Kongreso sikadinepe e rezultaturja katar sastebršeske bućarimata.

Author: RNS

Leave a Reply

Your email address will not be published. Required fields are marked *