Manušešće savo mardapes po Košare alav sokakosko ando rromano than ande Ruma
Ando than Klenak ande guverna Ruma, ođarimasa si čhutini e phal savi inćarel o alav sokakosko „Dejan Kostić.“ O sokako lija alav talo terno rromane nacionostar savo ande 1999. pe Košare sas mudardo thaj dija piro trajo pala piri raštra.
Ando alav katar Nacionalno Konsilo rromane nacionalne minoritetonedar, putardipe phaljako e sokakoske alavesa, sas vi o membro Konsilesko Danijela Tadić.
Majdur, po putardipe phaljako sas vi e manuša andar guverna Ruma, o prezidento Slađan Mančić, šerutno Dušan Ljubišić thaj raštrako sekretaro ando Ministerijumo pale manušikane thaj minoritane orturja Ninoslav Jovanović.
E phal savo inćarel o alav sokakosko si čhutini po andralunipe ando sokako po familijako ćher Kostićesko.
Dinipe gođako pe kola manuša save piro trajo dine pala Srbija naštik te naćhel, naštik te bistrelpes kaj si e rromani populacija šelbršutnimatenca majpašp amali raštraće Srbijaće thaj dasikane themešće thaj kaj pire trajurja dine vi ande Balkanske marimata, Angluno thaj Dujto themesko maripe, ande marimata ande injavardešte brša, savi vi tale vrjama katar Obrenović kana e Rroma dum-dumeja khetane e Milošeske vazdimatarnenca mardinepes opral Turkurja.

RNS

See author's posts