INFORMIŠIPE RROMANE FORUTNENGO PALO SEMNIPE RAMOSARIMASKO

Sar kotor vizitengo rromane thanengo thaj akcijengo palo informišipe palo semnipe Ramosarimasko forutnengo save nakhaven o Nacionalno konsilo rromane nacionalne minoritetonengo thaj Republikano zavodo pale statistika, ađes ande nekozom guverne pe teritorija AP Vojvodinaći, ande rromane thana sas vi arlisarimatari prezidentostar Nacionalne konsilestar, Aleksandar Balinović thaj pokrajinaći dikhljardi thaj membro Nacionalne konsilestar, Jelena Jovanović.

Von ando than Novi Kneževac, khetane e džipašerutneja Nacionalne konsilestar, Milošeja Roštaš thaj arlisarimatareja prezidentostar guvernatar Novi Kneževac, Dejanosa Jančić, sas ande vizite rromane thanenđe thaj informišisardinelen palo semnipe Ramosarimasko thaj dine svato e forutnenca pale seđesutne trubulimata thaj pharimata savenca malavenpes.

Tale vizite rromane thanenđe ande guverna Novi Kneževac, Balinović thaj Jovanović, sas vi ande vizita ande guverna Čoka thaj foro Kikinda, kaj dine svato e rromane populacijava thaj informišisardinelen palo semnipe Ramosarimasko thaj uladine promotivne flajerurja pe rromani čhib save sas ćerdine khetanimaske bućarimava e Nacionalne konsilestar thaj Ministerijumostar pale manušikane thaj minoritane orturja thaj amalimasko dijalogo.

RNS

See author's posts