NA INICIJATIVU NACIONALNOG SAVETA OTKRIVENA NOVA SPOMEN-PLOČA NA KEJU ŽRTAVA RACIJE U NOVOM SADU

Sar kotor Liparimasko ando komplekso mudardenđe ande Novosadošći racija po Kej žrtava racije ando Novi Sad, čhutini si liparimasko bar mudarde Rromenđe.

Pe inicijativa katar Nacionalno konsilo rromane nacionalne minoritetonendar thaj Vojvodinako rromano maškar, čhutino si nevo liparimasko bar po savo si averčhnado alav „Cigani“ thaj ramosardo si „Romi.“

Ando alav katar Nacionalno konsilo, po putaripe liparimaske baresko sas o membro Nacionalne konsilesko thaj pokrajinaći dikhljardi Jelena Jovanović, a ando alav katar Vojvodinako rromano maškar, po putaripe liparimaske baresko sas o prezidento Aleksandar Jovanović.

E Jovanović khetane e Kristinava Karaić, savi si arlimatari prezidentosko pralmentostar forostar Novi Sad thaj mr Siniša Jokićeja, direktoreja Zavodostar palo lesamalipe liparimaske baresko kulturako forostar Novi Sad, putarda o liparimasko bar, thaj aska dija svato pale medije:

1942. brš, katar than Čurug, prdal than Žabalj, Gospođinci, Šajkaš, Đurđevo, Mošorin, Titel, Vilovo, Lok, Gardinovci, Novi Sad, Temerin thaj Srbobran džiko agor mudarimasko 29. januaresko ando foro Bečej – majbut katar 4.500 Jevrejurja, Dasa, Rroma thaj aver forutne Vojvodinaće, soven pahome suneja ande handuk Dunavesko thaj Tisako.

Efta dešbršutnimata o Dunav delpes gođi. Efta dešbršutnimata delpes gođi thaj sa jekh tromalimasko manuš thaj sa jekh čhavrro mudardendar thaj sa jekh dromarimatari savo dikhla po liparimasko bar bidošale viktimonenđe bilačhimašće januareske racijatar.
Katar e vrjama kana si vazdino liparimasko bar sar sikavipe dinimasko gođako pe mudarde thaj bibijande, Rroma sunaren jekh suno – te paša alava katar lenđe maj purane, forutne nacionostar, či avel čhutino džungalo alav „Cigani“, sar kaj si ramosardo. Godova bibaht, tala but dešbršutnimata ažućarimastar, akana lačharda o forosko angluno Miloš Vučević savešće šaj te mothav majtate, manušale „nais tuće“ kaj lija te lačharelpes baro bilačhipe dumutnimasko. Nais tuće kaj vi gadaleja čačardine te amen, e Rroma, amari raštra, amaro foro thaj Tu po lesko čikat, paćan sar vi aver paćavne khetane trajimasko aver forutnenca thaj forutnjenca amalimatar, a amare mudarde purane paćan sar vi aver nacionurja thaj amalimata.
E inicijativa katar Vojvodinako rromano maškar pale Demokratija, a savi zurjarda o Nacionalno konsilo e Rromengo, Pokrajinaći kancelarija pale inkluzija e Rromenđi thaj rromane ćidimata andar Novi Sad, Zaječar, Subotica, Beogrado thaj Bečej, ačhel gođardi sar dipe palo arakhadipe gođimasko pe amare mudarde maj purane, no lačhimasko varo te pale sa jekh vrjama sikavelpes e vrjama ande savi akana trajisaras.
Ilesa naisarav vi raješće Sinišeske Jokićeske savo sar angluno manuš Zavodosko palo lesamalipe liparimaske kulturako Forostar Novi Sad ćerda sa te paša akanutni araćhelpes vi nevo bar thaj te pale sasti vrjama ramosarelpes te e vrjama ando savo trajisaras či pindžarel e diskriminacija.
Iskreno hvala upućujem i gospodinu Sinišu Jokiću koji je kao prvi čovek Zavoda za zaštitu spomenika kulture Grada Novog Sada učinio sve da se uz postojeću nađe i nova ploča i trajno zabeleži da vreme u kojem živimo ne priznaje diskriminaciju.

Ando kava historijako momento butrigale semno pala rromano amalipe, čačaras dinipe gođako pe bidošale mudarde viktimurja, no vi čačaras majnevo, vrjama mirosko, pala savo pire trajurja dine thaj ando savo e čhavorra po maj paćivalo varo len sama pe gođaverimata thaj araćhel dumutnipe pala trajisaripe maškar avutnimašći vrjama“ – inkalda e Jovanović.

E inicijativa zurjardine vi

➡️ Kancelarija za inkluziju Roma u AP Vojvodina
➡️ Opre Roma Srbije
➡️ Savet za integraciju Roma
➡️ Udruženja građana „Centar za integracije – Sigurnost”
➡️ Humanitarno udruženje Đina
➡️ Udruženje romskih studenata
➡️ Udruženje Bela Romkinja Novi Sad
➡️ Edukativni centar Roma Subotica
➡️ Društvo Roma Zaječar
➡️ Matica Roma

RNS

See author's posts