KOORDINACIONO KOTOR PALO DIĆHIPE REALIZACIJAKO STRATEGIJAKO PALA SOCIJALNA INKLUZIJA E RROMENĐI THAJ RROMNJENĐI ANDE REPUBLIKA SRBIJA

KOORDINACIONO KOTOR PALO DIĆHIPE REALIZACIJAKO STRATEGIJAKO PALA SOCIJALNA INKLUZIJA E RROMENĐI THAJ RROMNJENĐI ANDE REPUBLIKA SRBIJA

Ađes si inćardini štarti bešutni katar Koordinaciono kotor, pe savi dikhline e raporturja pale realizacija džiakanutne aktiviteturjengo thaj mištarde si avutnimaske pasurja, ando kamipe aresimaske integracijako rromane ćidimasko ando amalipe.

E bešutnimava šerutnisarda džipašerutni Thagarimastar Srbijatar Prof. dr Zorana Mihajlović.
Nacionalno konsilo rromane nacionalne minoritetonengo vaćardine e prezidento Konsilesko Dalibor Nakić thaj šerutni gatisarimaske odboresko, Pava Novakov Čabrilovski.

Tale bešutni, inićardini si pres-konferencija pe savi svato dine e džipašerutni Thagarimastar Zorana Mihajlović, prezidento Gatisarimašće odboresko Nacionalne konsilesko e Rromengo Pava Novakov Čabrilovski, menadžeri SIPRO timosko Dragana Jovanović Arijas thaj direktori GIZ Srbijako, Aleksandra Dimić Ugrinaj

. E Mihajlović inkalda kaj ašarelpes bućarimava katar Koordinaciono kotor thaj, averčhandimata katar nakhle deš brša kana dijapes svato e Rromengo thaj rromnjengo, akana simen rezultaturja.
„Khetane e maškarthemutne thaj nacionalne partnerenca ćeras sa te e socijalna inkluzija e Rromenđi thaj Rromnjenđi avel sa majaresimašći thaj te ciknjarelpes diskriminacija. Te i jekh membro rromane amalimasko inćarel o pharipe kana si ando pučhipe sikavipe, therdipe bućarimasko, čhinadimata bešimaske jal malavelpes e butimašće diskriminacijava, so si phanglo pale Rromnja, naštik te das svao palo inćarimasko amalipe.“

Stipendije pale sikamne rromane nacionostar avela lundžardo vi majdur, therdine si fundurja pala 303 ando nakhlo thaj 547 kale sikavimaske bršeske sar vi godova kaj ande nakhle štar brša dinepe trin milje stipendije pala rromane sikamne, katar save si 65 % čheja. ande 2018/2019. brš dine si 850 stipendije.

Pava Novakov Čabrilovski iz Nacionalnog saveta romske nacionalne manjine istakla je da je saradnja ovog saveta sa Koordinacionim telom sada uspešnija i konkretnija.
„Koordinacio kotor si majsemno ando dićhipe nakhavimasko Strategijako. Khetanimaske bućarimava thaj zuralimava šaj te čačaras sa kamimata svae čhutam, a phangle si pala majlačhimasko thanensko e Rromengo thaj rromnjengo ando amalipe“, mothoda voj.

Aleksandra Dimić ugrinaj andar Njamcickano ćidipe pala khetanimasko bućaripe (GIZ) inkalda čaljardipe palo khetanimasko bućaripe e Thagarimasa Srbijatar thaj Koordinacione kotoresa pe realizacija projektošći „Inkluzija e Rromenđi thaj aver marginalizuime kupengo ande Srbija.“ (Inkluzija Roma i ostalih marginalizovanih grupa u Srbiji).
Ađes dikhlam majdurane pasurja palo majbuhljaripe thanengo rromane amalimasko, so si vi kamipe katar amaro projekto – te nakhavas but semni strategija thaj te anas socijalno thaj ekonomikano zurjavipe e Rromengo thaj rromnjengo“, mothoda voj.

Dragana Jovanović Arijas, menadžerka katar Timo pala socijalna inkluzija thaj ciknjaripe čorrîmasko, inkalda kaj pe ađesutni bešutni dijapes svato vi palo majnevo akciono plano pala nakhaviep strategijako pala socijalna inkluzija e Rromenđi thaj Rromnjenđi.
„Nevo akciono plano si ande finalno faza inkladimašći thaj mištardo si e sa prioritenca save si trubusarde pala aresimaski integracija Srbijaći po drom ande Evropaći Unija, detot e Šoresa 23.“

Author: RNS

Leave a Reply

Your email address will not be published. Required fields are marked *