ĆHERA PALA 217 RROMANE FAMILIJE ANDE 19 FORURJA THAJ GUVERNE

ĆHERA PALA 217 RROMANE FAMILIJE ANDE 19 FORURJA THAJ GUVERNE

Šerutnipe Nacionalne Konsilestar rromane nacionalne minoritetonendar, prezidento Dalibor Nakić, šerutni Gatisarimašće odborestar Pava Čabrilovski thaj generalno sekretari Dejan Vlajković, sas po lošanimasko dinipe mištardimaske lilengo pale donacija pale projekturja socijalne bešavimasko pala 19 forurja thaj guverne ande Srbija.

Sar kotor khetanimaske grantosko savo mol 10,2, milionurja evra, savi del EU maškar IPA projekturja, a nakhavel len UNOPS khetanimaske bućarimava e Thagarimastar Srbijatar thaj resoraće ministerijumonenca, lelape sama pale 421 familije, katar save 217 rromane

„Ađes si baro đes pala majbut katar 217 rromane familije save therena ćher thaj agorina jekh katar majsemne trajimašće pučhimata, a godova si agorisaripe adekvatno bešimatengo. Nacionalno konsilo thaj me sar membro Ortuimaske odboresko dijam bari zor te kava projekto nakhavelpes, a e Rroma aven vaćarde ando nakhadipe“, mothoda ando inkaldipe pale medije Dalibor Nakić, o prezidento Nacionalne konsilestar thaj membro Ortuimaske odboresko projektostar.

E donacija pala therdipe ćherengo pala forutne andar dikhaldimašće amalimaske kupe therdine kala thana: Boljevac, Vladičin Han, Vrnjačka Banja, Vršac, Gadžin Han, Žagubica, Koceljeva, Kula, Lebane, Loznica, Ljubovija, Novi Pazar, Odžaci, Pančevo, Raška, Svilajnac, Topola, Čačak thaj Šabac.

E kontrakturja dine o šerutno Delegacijako EU ande Srbija Sem Fabrici, ministro palo vazdipe, dromardipe thaj infrastruktura Tomislav Momirović, ministarka pala bući, therdipe bućarimasko, marimašće thaj socijalne pučhimata Darija Kisić Tepavčević thaj ministro pala evropaće integracije, Jadranka Joksimović.

Author: RNS

Leave a Reply

Your email address will not be published. Required fields are marked *