Ando nakhlo vikendo e manuša Odborestar pala kultura Nacionalne konsilestar rromane nacionalne minoritetostar, Miljan Rašić thaj Zoran Nikolić, sikadine ando majrošardo rošipe kotor kulturatar e Rromendar andar Srbija pe regionalno dićhipe rromane ćhelimatengo ande Hrvatska.
Von sikadinepes pire folklorešće sekcijenca (Folklorne sekcije katar Amalipe e Rromengo Zaječar thaj folklorno sekcija Rromano Ternipe andar Nevo) pe 17. Dićhipe rromane ćhelimatengo ande Hrvatska.
Pe kava Dićhipe ande organizacija katar Rromano resursno maškar andar Darda kotor line vi e butimašće rromane folklorne sekcije andar raštre andar regiono.
Detot lesamalipe publikatar crda o mjuziklo „Rromano abjav“ ando nakhavipe katar folklorno sekcija andar Zaječar thaj čudurimašći „Rromani čarlama“ ando nakhadipe katar folklorna sekcija Rromano Ternipe andar Novi Sad ande savi e Marija Nikolić Čikita crda bare ovacije talo nakhadipe ćhelimasko.