MAŠKARTHEMUTNO ĐES MARIMASKO OPRAL FAŠIZMO THAJ ANTISEMITIZMO

MAŠKARTHEMUTNO ĐES MARIMASKO OPRAL FAŠIZMO THAJ ANTISEMITIZMO

Maškarthemutno đes marimasko opral fažizmo thaj antisemitizmo, 09. novembro, lošanisardo si maškarutne raštraće ceremonijava, ando “Narodno pozorište” ando Beogrado.

Delegacija katar Nacionalno konsilo rromane nacionalne minoritetonendar inćarda o prezidento Dalibor Nakić, а аnde late sas vi o džipašerutno prezidentosko, Aleksandar Balinović, džipašerutno gatisarimašće odobrestar, Dragan krstić, generalno sekretari, Dejan Vlajković, membro odboresko palo sikavipe, Božidar Jovanović thaj kobućarno Konsilesko, Muharem Jaha.

Ando kotor maškareske raštraće manifestacijako inćardo si Memorijalno koncerto, a ando alav Thagarimasko Srbijako, avinile manušenđe svato dija o ministro palo bućaripe, therdipe bućarimasko, marimašće thaj socijalne pučhimata, Nikola Selaković, savo, maškar aver inkalda kaj lošanimasa katar kava đes, Srbija lel sama pe kultura gođimašći thaj sikavel paćivalipe kolenđe save haćardine bibahtalipe katar majdaravimašći ideologija ande themesko dumutnipe, sar vi dinimašće gođimasa po bilačhipe save ćerdapes ando dumutnipe, savo ćerel te govoa nisar majbut khanikašće ći ćerelpes.

Bilačhipe savo ćerdapes pe njamcickane sokača thaj aver thana po 09. novembro 1938. brš sikada teljaripe katar raštratar ćerdino, ortuimasa učhardo thaj ašunimastar zurjardo tradipe Jevrejengo savo agorisardapes mudarimava katar šov milionurja bidošale manušendar, manušnjendar thaj čhavorrendar.

Godova ćerdipe – pindžardo sar “Kristalno rjat” – dićhelpes sar simbolikano teljardipe katar holokausto.

Video sikadipe:
https://youtu.be/gx0vy2P_cNU

Author: RNS

Leave a Reply

Your email address will not be published. Required fields are marked *