MEMORIJALNO KOMPLESKO “STARO SAJMIŠTE” – TELJARIPE BUĆARIMASKO PO ŠERUTNO KAŠTELO
Prezidento Republikako Srbijako, Aleksandar Vučić, sas pe šerutni ceremonija ando Memorijalno komplesko “Staro sajmište.” Ađes, po 78. Brš sar tromasardapes o logori, lošanilpes teljaripe nakhavimaske bućarnengo pe rekonstrukcija katar Centralno kaštelo, objekto ando savo ando Dujto themesko maripe ande duj nacistikane logorja sas mudarde majbut katar 6.500 Jevrejurja, 10.000 Dasa thaj but šela Rroma.
Po čikat delegacijako katar Nacionalno konsilo rromane nacionalne minoritetorestar sas o prezidento Dalibor Nakić, a ande late sas vi e šerutni po Gatisarimasko odbori, Pava Čabrilovski thaj generalno sekretari, Dejan Vlajković.
Prezidento Aleksandar Vučić ando piro mothodipe liparda mudarimata opral e Dasa, Jevrejurja thaj Rroma thaj inkalda “Dinipe gođimasko pe kola save sas mudarde si čhutino ando amaro dumutnipe, ando semnipe amare trajimasko thaj dumutnimasko, a amaro udžilipe sit e sa jekh mudarimasko than lošanisaras dikhavimasa thaj te či bistras baro molipe savo si gadići but droma poćindi pala tromalipe amare raštrako. Baro si paćivalipe o than prezidentostar Srbijatar savi teljarda te delpes gođi. Gajda kaj irisaras udžilip amare puranenđe, amen inkalas mothodipe amare čhavorrenđe pe kova so nisar naštik te den te ćerelpes. Jertisaren kaj 80 brša či lijam sama po amaro dumutnipe, ni po amaro avutnipe.”
Baro si paćivalipe o than prezidentostar Srbijatar savi teljarda te delpes gođi. Gajda kaj irisaras udžilip amare puranenđe, amen inkalas mothodipe amare čhavorrenđe pe kova so nisar naštik te den te ćerelpes. Jertisaren kaj 80 brša či lijam sama po amaro dumutnipe, ni po amaro avutnipe.”
E Ceremonija teljarda gajda kaj sikadapes e himna “Bože pravde”, savi nakhada anglunimatarka katar Themesko teatro, Nataša Tasić Knežević, a po than kaj varekana sas e nacistikane logorja “Jevrejsko logor Zemun” thaj “Linimasko logor Zemun”, po lošanipe sas o patrijarho DČPK Porfirije, reis-ul-lema katar Islamsko amalipe Sead Nasufović, beogradesko nadbiskupo Stanisalv Hočevar, prezidento katar Amalipe jevrejengo guvernendar Srbijatar Aleksandar Albahari, o ministro Branko Ružić, Nikola Selaković, Darija Kisić, forosko šerutno beogradosko Aleksandar Šapić, n.u.b. direktorestar Memorijalne maškarestar “Staro sajmište” Krinka Vidaković Petrov, e čhavorra katar logoraša, membrurja katar tromalimašće ćidimata thaj butimašće forutne.
Romski Jezik 
Српски језик