Nacionalno konsilo kote kaj si maj phare bućarimata thaj bigatisarde pharimata

Prezidento Nacionalne konsilestar rromane nacionalne minoritetostar, Dalibor Nakić, sas ande vizita rromane thanešće “12. februar” ando foro Niš, thaj dija svato e manušenca pale pharimata save inćaren ando sajekhđesutno trajo.

Prezidento Nakić talo akharipe katar bućarimasko ažutimatari anglunjastar e forostar Niš, Dušica Davidović thaj membrurja katar Nacionalno konsilo andar Niš, Svetislav Jovanović (direktori katar Kulturako maškar) thaj Igor Paunović (džipašerutno Garisarimašće odborestar Nacionalne konsilestar), sas po bućarimasko maladipe ande thana katar Kulturako maškar po save dikhlinepe butimašće pučhimata save si bare semnimatar pale fortune rromane forutnendar.

Po maladipe sas vi e manuša andar forošće guverne, sar vi e manuša andar thana save ando svato e manušenca Forostar thaj Nacionalne konsilestar dine svato pale sa pučhimata thaj trubulimata inkluzijaće.

Sar jekh katar maj bare pharimata inkaldine čhindipe elektrikane energijako ando than “12. februar” thaj inkaldine kaj si gatisaripe godole pharimasko prioriteto ande avutnimaski vrjama.

Talo gatisaripe maladimasko thaj čačaripe situacijako po tereno thaj svatova e forutnenca, mištardo si te o foro Niš thaj Nacionalno konsilo vaćarenpe khetanimaske ramosarimaske lilesa udžilimašće ministerijumošće thaj EPS-ošće, sar ande majsiđarni vrjama gatisarelape pučhipe pale hasnaripe elektrikane energijako.

RNS

See author's posts