NARODNA SKUPŠTINA REPUBLIKE SRBIJE – MEĐUNARODNI DAN SEĆANJA NA STRADALE ROME U DRUGOM SVETSKOM RATU

Palo lošanipe katar Maškarthemutno đes palo dinipe gođako pe mudarde Rroma ando Dujto themesko maripe, inćardo si bešimasko maladipe katar Teleodboro pale rromane pučhimata ando Parlamento Srbijako. E bešutni šerutnisarda o dikhljardo Dragoljub Acković, a o moderator bešutnimaski sas e dikhljardi Sandra Joković. Jekhutno kotor palo đesesko rîndo sas – Lesamalipe kulturako palo dinipe gođako pe mudarde Rroma ando Dujto themesko maripe.

Ando alav katar nacionalno konsilo rromane nacionalne minoritetonendar, pe bešutni sas o prezidento Dalibor Nakić, prezidento Gatisarimaske odborestar Pava Čabrilovski, arlimatari šerutnesko Aleksandar Balinović, generalno sekretari Dejan Vlajković thaj membro Konsilesko thaj prezidento Kulturaće maškarestar e Rromendar ando foro Pančevo, Stevan Jovanović

Ando alav delegacijako e Rromengo andar Hrvatska sas o themesko dikhljardo Veljko Kajtazi thaj prezidento Amalimasko e Rromengo andar hrvatska, Suzana Krčmar.

Rromano fondo palo sikavipe (REF) sikada o Adi Sinani, e Evropako instituto palo artistipe thaj kultura (ERIAC) Jadranka Ivković.

Pe bešutni dijapes svato palo mudaripe e Rromengo, lesamalipe gođimasko pe viktimurja katar Holokaust, khetanimaske bućarimata maškar e Rroma andar Srbija thaj Hrvatska sar araćhelaspe gođi po sa kola save sas mudarde thaj dukhalde thaj sar majzurjavelape e promocija palo antifašizmo

RNS

See author's posts