Lunžaripe vizitengo lokalošće korkorrorotuimatenđe – guverna Sečanj
Delegacija katar Nacionalno konsilo rromane nacionalne minoritetonendar sas ande vizita ande guverna Sečanj sar kotor planirime bućarimasko Lokalošće korrkorreortuimatenđe. Ande delegacija sas o prezidento Dalibor Nakić, šerutni Gatisarimašće odborestar Pava Čabrilovski thaj šerutni Odborestar palo sićope Ljiljana Mihajlović.
Delegacija Konsilestar inćarda bućarimasko maladipe e Predragova Rađenović, šerutne guvernatar thaj leske kobućarnenca. Musaj te inkalas baro bućaripe šerutnestar givernatar ando proceso inkluzijako e Rromengo ando Sečanj, detot dićhimasa po sićope majternengo
Pale godova, e delegacije Konsilestar thaj guvernatar Sečanj, uladine e sikavimašće šeja sikamnenđe rromane nacionostar save džan ande F.S. „Braća Stefanović“ ande Neuzina.
Sa e kolenđe save aviline, svato dine e šerutne Nakić thaj Ranđelović, save kamline čhavorrenđe bahtalo teljaripe sikavimašće bršesko thaj dinelen gođi kaj si o sikavipe ćija palo aresipe ando majdurano trajo.
Čhavorrenđe svato dine vi e šerutni Odborestar palo sićope Ljiljana Mihajlović thaj šerutni Ćidimastar e rromnjendar andar Neuzina Katica Nikolić. Von kamline čhavorrenđe bahtalo teljaripe sikavimašće bršesko thaj but aresipe ando majdurano sikavipe.
Romski Jezik 
Српски језик