KURKO KULTURAKO
Ando nakhlo kurko sasmen but kulturaće manifestacije save zurjarda o Nacionalno konsilo rromane nacionalne minoritetonendar.
Ando alav Konsilesko, e manifestacija „E Rroma pire forošće“ (Romi svome gradu) ando Pirot putarda thaj bahtarda e dostonen, membro Odborako pale kultura, Miljan Rašić, kašći folklorna sekcija sikadapes thaj therda aplauzurja butimašće publikako.
Ando alav Konsilesk, jekh katar majbari rromane manifestacije ande AP Vojvodina „Rromani rjat“ ando foro Apatin putarda thaj bahtarda o Aleksandar Radulović, membro gatisarimaske odborestar. Pe manifestacija sas vi o Zoran Nikolić, membro odboresko pale kultura, sar vi vuče dosturja pokrajinaće nivelostar: pokrajinaći dikhljardi Jelena Jovanović thaj direktoro Kancelarijako pale inkluzija e Rromenđi AP Vojvodinaći Miloš Nikolić.
Ando alav Konsilesko, e manifestacija „Roma NI Fest“, savi tradicionalno inćarelpes ando kotor festivalosko „Nišvil“, putarda thaj bahtarda e dostonen, džipašerutno Gatisarimaske odboresko, Igor Paunović.
Ando alav Konsilesko, rromano balo ando Obrenovac putarda thaj bahtarda e dostonen, o prezidento Konsilesko Dalibor Nakić. Ande Delegacija sas vi o prezidento GO Pava Čabrilovski thaj membrurja GO Stevan Jovanović thaj Dragan Krstić.
Lesamalimasa pe kulturja thaj kulturaće barvalimata dasa šajipe generacijenđe save aven te inćaren rromano kulturako identiteto savo avela lengo kulturako barvalipe thaj butimasa averčhandelape aver themendar thaj nacijendar.
Na te bistaras, kaj si e Srbija butipe kulturaće barvalimatar thaj averčhandimatar, odolaći kaj si jekh katar cikno đindo raštrengo ande Evropa save lel sama thaj zurjavel multikulturalizmo thaj buhljaripe kultruaće maladimasko e detot akcentova pe nacionalne minoriteturja.
Nacionalno konsilo rromane nacionalne minoritetonendar lundžarel vi majdur te zurjavel kulturaće manifestacije save sikaven rromano dumutnipe, tradicija thaj adeturja.
Romski Jezik 
Српски језик