Kurko kulturaće thaj sportoske manifestacijengo save zurjarda Nacionalno konsilo rromane nacionalne minoritetonendar!

Membrurja thaj šerutnipe Nacionalne konsilestar rromane nacionalne mineritetostar ando nakhlo kuro sas pe butimašće kulturaće thaj sportoske manifestacije thaj gajda lundžardine e vizitenca forurjenđe ando buhljaripe Srbijako thaj zurjavimaske dinimava rromane populacijaće thaj lenđe sikavimatarenđe.

Pe Ledine (Novi Beograd) inćardo si o turniro ando cikno fudbalo „LEDINE 2019.“
Turniro ćerda „Ćidipe nacionalne minoritendar Republikatar Srbijatar“ (Udruženje nacionalnih manjina republike Srbije) talo zurjavipe
Nacionalne konsilestar rromane nacionalne minoritetonendar. odolaći kaj sas baro initereso, turniro lundžardapes duj đesa, a kotor line 4 ekipe katar „bašnorra“ (bršendar džike 10 brša) thaj 12 ekipe seniorja.
Ando alav katar Nacionalno konsilo rromane nacionalne minoritetonendar sas o membro Gatisarimaske odboresko Konsilesko Dragan Krstić thaj generalno sekretari Dejan Vlajković.

Ando foro Srbobran sas inćardine 23. „Ciganske vatre“ (rromane jaga), tradicionalno kulturaći manifestacija savi inćarelpes ando pindžaripe rromane tradicijako, čhibjako, đilabimasko thaj adeturjengo. O linipe kotoresko line butimašće folklorašće sekcije andar sa kotora AP Vojvodinaći, a majbaro lesamalipe therda sikavipe katar folklorno sekcija andar Zaječar talo šerutnipe katar membro Konsilesko, Miljan Rašić. Paše godova kaj crdine but bare aplauzurja, ando Zaječar inđardine vi e butimašće dipanimata.
Pe manifestacija paša lokalošće šerutne guvernatar Srbobran, sas vi e pokrajinaći dikhljardi, jekhutni rromnji ando dumutnipe dasikane parlamentarizmosko, e raji Jelena Jovanović. Voj inkalda kaj si katar baro semnipe arakhadipe rromane kulturako thaj tradicijako sar duvari kulturaće identitetostar rromane populaciijatar.

Ando Bačko Gradište inćardapes e dešti maškarutni manifestacija „Palačinka festival“ pe savi o kotor lije o membro Nacionalne konsilestar rromane nacionalne minoritetonendar thaj šerutni po BGĆ „Đina“ Dobrila Đin.
Ando alav Gatisarimaske odborestar Konsilestar, o zurjavipe pire kolegijaće Dobrilaće dija e Živana Živanović, sar vi pokrajinaći dikhljardi Jelena Jovanović.
Rromano amalipe pe kava thaj sar kasave menifestacije del baro andipe palo buhljaripe kulturako, tradicijako thaj manušalimasko.
„E love katar bićinde palačinke džala ande humanitarne kotora“ inkalda e raji Đin.

Ande Gudurica (Vršac) inćardo si Maškarthemutno festivalo „Sumnakuni tomna“ (Zlatna jesen) Gudurica. Pe manifestacija ando alav Konsilestar sas e šerutni Gatisarimaske odborestar Pava Čabrilovski thaj gajda dija zurjavipe butimašće rromane populacijaće thaj terne vaćardimatarkaće e Rromendar ando foro Vršac, koordinatarkaće Alisa Šajn.

RNS

See author's posts