Neve bešimašće thana pala 30 rromane familije ande Stara Pazova

Sar kotor programosko „Fundosaripe inćarimašće čhinadimatengo palo bešipe rromengo ande Stara Pazova“ (Uspostavljanje održivih rešenje palo bešipe e Rromengo ande Stara Pazova), ando nevovazdino Fruškogorsko than ande godoja guverna, ađes si ulade e ćije neve bešimašće thanengo pala 30 rromane familije, savo khetanimasa mol miliono thaj 33 milje evra

Nacionalno konislo rromane nacionalne minoritetonengoo sikadine o prezidento Konsilesko Dalibor Nakić thaj membro Gatisarimaske odboresko Dragan Krstić

Ando alav ministerijumosko dromardimasko, vazdimasko thaj infrastrukturako, po uladipe ćijengo sas o raštrako sekretari, Zoran Lakićević.

Lenđe ćherutnimatarja sas o prezidento guvernako Stara pazova Đorđe Radinović thaj Koordinator pala rromane pučhimata Aleksandar Balinović savo si vi džipašerutno Nacionalne konsilestar e Rromendar.

Prezidento Nacionalne konsilestar rromane nacionalne minoritetonendar Dalibor Nakić mothoda kaj si orto palo lačhimasko bešipe jekh katar fundoske manušikane orturja thaj lundžarda kaj pala 30 rromane familije andar Stara Pazova ađes theren čhinavimata trubusaarde palo trajisaripe trubulimasko pala civilizuime manuše 21. šelbršutnimasko.

„But ođarelma o fakto kaj ande kala bešimašće thana o ćher araćhena baro đindo rromane ciknorrendar save ando piro nevo ćher avena ando šajipe te sićon, te ćhelenpe, te nakhaven e vrjama pire familijava...“, mothoda o Nakić.

Sar liparda, e guverna Stara Pazova thaj Thagaripe Srbijako kale projektova sikadine vučo nivelo udžilimasko thaj čhinadimasko palo agorisaripe bešimašće pharimasko save pharaven rromani populacija.

Naisarda sa e akterenđe save line kotor ando nakhavipe godole projektosko lundžarimasa kaj ažućaren realizacija vi aver projektonengo ando buhljaripe Srbijako.

„Sime baro đindo rromane thanendar ande raštra save si ande but bilačhi situacija, najlen trubulimaski infrastruktura thaj e alavardimata save ašundam den zuralo alav kaj e pharimata e Rromendar kana si o alav palo bešipe, gatisarenape.“

Mothoda kaj si kava model gatisarimasko bešimaske pučhimatengo e Rromendar sikavel lačho sikadipe vi pala aver raštre ando regiono.

Inkalda paćivalipe thaj ažućarimata kaj lundžarelapes e nakhavimasa katar Strategija pala socijalna inkluzija e Rromendar thaj Rromnjendar pe teritorija Srbijaći pale vrjama katar 2016. džike 2025. brš, sar vi godova kaj o rromano amalpe lela kotor bućarimasko ande laći implementacija.

„Kale objekturja si simolo katar jekh udžilimaski politika savi e raštra Srbija po čikat prezidentova aleksandreja Vučićeja nakhavel kana si o alav pala majdukhalde kupe, a e Rroma si kotor jećhe kasave kupaske“, inkalda o Nakić.

RNS

See author's posts