Šerutnipe Nacionalne konsilesko rromane nacionalne minoritetostar, po čikat e prezidentova Daliboreja Nakićeja, sas po Komemorativno maladipe palo lošanipe katar Maškarthemutno đes dinimasko gođako pe Rroma save sas mudarde ando Dujto themesko maripe. E ceremonija sas inćardini ando Liparimasko komplekso Stratište ando than Jabuka pašo foro Pančevo. Paša e manuša andar Thagaripe republikako Srbijako thaj šerutne foroske manušestar, Saša Pavlov, sas baro đindo katar diplomatsko koro thaj ačhadimatarja mudarde manušendar.
Kava than si pašo jasenovac jekh katar majbare mudarimašće thana ande nakhli Jugoslavija ando savo sas mudardine majbut katar 12 milje manuša.

Po 16. decembro 1942. brš Hajnrih Himler dija mothodipe palo bičhaldipe Rromengo ande koncentracione logorja thaj lengo butimasko mudaripe. Amende jekh katar thana kaj sas majbut mudarde si Stratište ande jabuka. Kate sas andine e Rroma andar logori pe Banjica, Staro Sajmište andar Svilara thaj sasto Banato.

Ando alav Konsilesko, pašp prezidento Nakić, pe komemoracija sas o džipašerutno prezidentosko Aleksandar Balinović thaj generalno sekretari Dejan Vlajković.

RNS

See author's posts