LOŠANISARDAPES ĐES DINIMASKO GOĐAKO PE VIKTIMURJA HOLOKAUSTOSTAR ANDO BEOGRADO

Palo Đes dinimasko gođako pe viktimurja katar Holokausto, ando than kolevrjamatar, ando Spasićesko paviljono po Staro sajmište ando Beogrado, inćardapes lošanimašći akademija thaj ceremonija palo čhutipe kujburjengo luluđendar.
Ando alav katar Nacionalno konsilo e Rromengo, e kujburja luluđendar po liparimasko bar kolenđe save sas mudarde thaj save sas viktimurja genocidostar ando Dujto themesko maripe čhutine o prezidento Nacionalne konsilestar rromane nacionalne minoritetorestar Dalibro Nakić, thaj prezidento Gatisarimašće odborestar Aleksandar Radulović.
Paša e manuša andar Nacionalno konsilo e Rromengo, e kujburja luluđendar čhutine vi e manuša andar Memorijnalno maškar “Staro sajmište”, Amalipe guvernendar jevrejendar Srbijatar, e manuša andar Jevrejenđi guverna Beograd, ambasadori Izraelostar ande Srbija thaj o bičhaldo andar Ambasada Njamcickani.

RNS

See author's posts