LOŠANISARDAPES OHTOVARDEŠ THAJ ANGLUNO BRŠ MUDARIMASKO ANDO FORO NOVI SAD

Ando đes lujo, po 23. Januari 2023. brš po novosadosko Kej vitkimonengo Racijako lošanisardapes ohtovardeš thaj angluno brš katar Novosadoski racija, savi ćerdapes ando januaro 1942. brš.
Pašo liparimasko sikadipe “Familija”, čhutine si kujburja luluđendar sar sikavipe thaj dinipe gođako pe mudarde Dasa, Rroma thaj Jevrejurja, po maladipe sas vi e manuša andar Dasikani Čačepaćivaski Khanđiri thaj Jevrejenđi guverna ando Novi Sad, e delegacija andar foro Novi Sad thaj Parlamento Vojvodinako, e manuša andar pokrajinaće, forošće thaj katanijaće thagardimata thaj institucije, ambasade andar Izraelo thaj Ungriko, šerutne forurjendar thaj e manuša andar forurja thaj guverne Republikatar Srbijatar save haćardine mudaripe thaj haravipe, politikane thaj kulturaće bućarne, palunimatarja katar bidošale mudarde ando Mudaripe, sar vi butimasko them.
O maladipe teljarda vaćardimava katar forosko šerutno novosadosko, Milan Đurić, a lundžardo si programova savo nakhada Jevrejsko amalipe thaj Dasikani Čačepaćivali khanđiri.
Ando nakhlo brš po liparimasko than ando ramosardo teksto si arlisardo alav “Cigan” alaveja “Rom”, saveja lačhardapes džungalo alav palo amaro theme savo inćarda thaj haćarda bare viktimurja thaj mudarimata, niči ande Novosadošći-Šajkaško racija no vi ando sasto Dujto themesko maripe.
Ando kava brš ažućarelpes te pašo Sajmište, Nacionalno konsilo e Rromengo lel vi aktivno kotor bućarimasko ando Memorijalno maškar.
Ando alav Nacionalne konsilestar rromane nacionalne minoritetorestar, Rromane maticastar, e kujburja luluđendar čhutine o prezidento Konsilestar Dalibor Nakić, prezidento Gatisarimaske odborestar Aleksandar Radulović, e dikhljardi ando Parlamento AP Vojvodinako thaj membro Konsilestar Jelena Jovanović, direktori Kancelarijako pale inkluzija e Rromenđi thaj membro Konsilestar Ljiljana Mihajlović, sar vi membrurja Konsilestar Emin Selimi thaj Danijela Tadić.

RNS

See author's posts