LOŠANIPE KATAR 27 BRŠA KATAR “OLUJA” TRADIPE DASENGO ANDAR HRVATSKA
E delegacija katar Nacionalno konsilo rromane nacionalne minoritetorestar, po kasko čikat sas o prezidento Dalibor Nakić, sas po maškarutno maladipe, savesa si lošardo o Đes dinimaske gođako pe kola save sas mudarde ande “Oluja”, pe sa kola save sas tradine ande hrvatsko ketanijako – policijako mudarimaski akcija savi ćerdapes po 04. thaj 05. avgusto 1995. brš.
Pašo prezidento Nakić, ande delegacija sas vi o prezidento Gatisarimaske odborestar, Pava Čabrilovski, pokrajinaći dikhljardi thaj membro Nacionalne konsilestar, Jelena Jovanović thaj prezidento Kulturaće maškarestar e Rromendar ando Pančevo thaj membro Nacionalne konsilestar, Stevan Jovanović.
Pašo avipe katar nekozom milje forutne, šerutnipe raštrako Srbijako thaj andar Republika Srpska, o prezidento Republikako Srbijako, Aleksandar Vučić, mothoda “Kate sam te čačaras kaj si godova amaro udžilipe tale but brša ačhavimatar!”
Romski Jezik 
Српски језик