VIZITE FORURJENĐE THAJ GUVERNENĐE MALI IĐOŠ
Prezidento Nacionalne konsilestar rromane nacionalne minoritetonendar Dalibor Nakić, sas e prezidentova Gatisarimašće odborestar Pavava Čabrilovski thaj pokrajinaće dikhlardasa thaj membrosa Konsilestar, Jelenava Jovanović, e guverna Mali Iđoš.
Ando svato e prezidentova guvernatar Markosa Lazićeja, o prezidento Nakić inkalda semnipe nakhavimasko Strategijako pala socijalna inkluzija e Rromenđi thaj Rromnjenđi po lokalosko nivelo, paša trubulimašće strateška dokumenturja sar kaj si Lokalosko akciono plano thaj operativno plano.
Prezidento guvernako, o raj Lazić, inkalda o gatisaripe guvernako te ćerelpes Lokalosko akciono plano thaj sikada pire kobućarne save bućarena palo ćerdipe thaj nakhavipe LAP-osko, e Vesna Stamevski – koordinatores pala e inkluzija e Rromenđi thaj Zvezdana Kovačević – membro Konsilesko pala maškarnacionalne pašunimata ande guverna Mali Iđoš
Talo bućarimasko bešipe maldimasko, e manuša andar Nacionalno konsilo sas vi ande vizite ko nekozom rromane famillije thaj dine svato pale aktuelne pučhimata thaj trubulimata rromane populacijako.