VIZITE FORURJENGO THAJ GUVERNENGO – FORO KRALJEVO

Nacionalno konislo rromane nacionlane minoritetonendar lundžarel vizite forurjenđe thaj guvernenđe talo plano thaj programo.

Ande delagacija sas o prezidento Dalibor Nakić, pedagoško asistento andar Kraljevo thaj membro Odborako pala informišipe ando Konsilo Zoran Petrović thaj kobućarno Konsilestar palo kotor sikavimasko, Momčilo Mutatović. Majanglal vizite rromane thanenđe thaj svato e rromane forutnenca, delegacija Konsilestar inćarda bućarimasko maladipe bešimasko e šerutnenca forostar Kraljevostar sar pindžarelaspe e bućarimatenca save o foro nakhavel ande inkluzija e Rromenđi.

Ćherutno sas o džipašerutno forošće šerutnesko Vukman Rakočević, pašo avipe ažutisarimastar forošće šerutnestar pala socijlane pučhimata Marko Markoviće thaj membrostar forošće konsilestar Milun Petrović.

Šerutipe forostar pindžardamen e aktivne mereca save nakhaven ande saučharimašći inkluzija e Rromenđi, a detot e but lačhe rezultatonenca katar „mobilno timo.“

Trubulipe si te inkalpes vi te naisarenpes pozitivne mere save o Foro nakhavel te angažulipe Koordinatoro pala rromane pučhimata, sar gatisaripe te e rromane sikamnimatarja thaj studenturja stipendirinepes andar lokalosko budžeto thaj andino thaj financijenca budžetirino o Lokalosko akciono plano (LAP) pale inkluzija e Rromenđi. Ando plano si te majbuhljarelpes bućaripe e Rromengo save inćaren agorisardo maškarutno thaj vučo sikavipe, so ćerela baro efekto pe terne te ando sa majbaro đindo sikavenpes thaj te anen ciknjaripe čorrîmasko. Šerutnipe forosko pindžarda men e ćerdine projektova palo vazdipe 35 bešimašće kotorengo pale Rroma ando soste o Nacionalno konsilo e Rromego dela zurjavipe pala alavardipe ke konkursurja ke EU fondurjengo ando avutnimaski vrjama. Prezidento Nakić naisarda ćherutnenđe palo ažućaripe, inkaldimasa kaj o foro Kraljevo si sikavipe lačhe praksako sar trubulpes sistemošće čhinadimatenca te nakhavelpes inkluzijaće e Rromenđe

RNS

See author's posts