Vizite rromane thenenđe

Vizite rromane thenenđe

Prezidento Nacionalne konsilesko rromane nacionalne minoritetonendar Dalibor Nakić, sas e pire kobućarnenca ande rromane thana ande Vrnjačka banja thaj Podunavce.

Ando svato e koordinatoresa pala rromane pučhimata guvernatar Vrnjačka banja Dejanova Pavlović thaj pedagoške asistentova Sandrava Vasić, dikhlinepe sa aktuelne pharimata savena rromano amalipe malavelpes ande guverna Vrnjačka Banja.

Ando rromano than ande Podunavce naj kanalizacija, a but droma o inkljistipe septikane hîvjengo sikavel baro pharipe forutnenđe kale thanestar. But ćhera ando rromano than naj adekvante palo normalno trajisaripe jećhe familijako. Lačhardipe thaj inćardipe čhavrrikane ćhelimaske thanengo sas jekh katar tema palo svato.

Ande avutnimaski vrjama rodelape malavipe e manušenca andar Lokalosko korkorrorotuipe po savo paša koordinatoro pala rromane pučhimata thaj pedagoško asistento sas vi e manuša andar Nacionalno konsilo e Rromengo. Pe godova maladipe dikhlenape šajimata palo majbuhljaripe bešimaske – komunalne čhinavimatengo ande thana, sar vi pala sa jekh majlačharipe trajosko rromane populacijako.

Author: RNS

Leave a Reply

Your email address will not be published. Required fields are marked *