Vizite rromane thanenđe thaj uladipe dinimatengo pale čhavorra – foro Subotica
Sar kotor vizitako forošće Subotica, o prezidento Nacionalne konsilesko rromane nacionalne minoritetonendar, Dalibor Nakić, sas po uladipe nevebršeske dinimatengo pala čhavorra rromane nacionostar ande Subotica.
E dinimata sas therdine andar fundurja forošće budžetostar, a uladipe ćerdine e koordinatorja pale inkluzija e Rromenđi, Klaudija Kurina thaj Stevan Nikolić.
Pašo prezidento Nakić, po uladipe dinimatengo thaj ando svato e forutnenca, sas vi i membro nacionalne konsilestar thaj pokrajinaći dikhljardi, e raji Jelena Jovanović. Sa khetane sas ulade 1009 dinimata ande LK: Novo selo, Peščara, Čantavir thaj Veliki Bajmok.