VIZITE RROMANE THANENĐE
OPŠTINA BOGATIĆ

Šerutnipe katar Nacionalno konsilo rromane nacionane minoritetosko ćerdine e vizita guvernaće Bogatić. E delegacija inđarda o prezidento Konsilesko Dalibor Nakić, a ande late sas vi e šerutno po GO Pava Čabrilovski thaj membro GO Željko Todić.

. Planirime vizita guvernaće Bogatić, teljardine svatosa e šerutne manušeja guvernatar Nenadova Beserovac, lešće džipašerutneja Siniša Lazić thaj ažutimatareja Marija Milovanovićeja.

Po maladipe sas e manuša thaj lokaloske rromane aktivisturja save sikadine šerutnenđe Konsilestar thaj guvernastar pe save pharimata si trubulipe te detot lelpes sama.

Dijapes svato palo than e rromengo thaj nakhavipe nacionalne Strategijako pala sovijalna inkluzija kasko kotor mećhelape vi po lokalosko nivelo ćerdimasa katar Lokalosko akciono plano. Lokalosko ortuipe sikada lačhi voja palo khetanimasko bućaripe andimasa katar khetnaimaske inkladimata save trubun te nakhavenpes ande avutnimašći vrjama: - Majlačharipe pale komunalna infrastrukturja ando rromano than Mika Mitrović (paj thaj kanalizacija, čhutipe asfaltosko po jekh kotor savo ačilo nango) - Angažuipe rromane koordinatoresko rromane pučhimasko po nivelo guvernako - Ćerdipe LAP palo majlačharipe thanengo e Rromengo ande guverna Bogatić thaj lesko zurjavipe financijenca - Te barjavelpes linipe kotoresko e Rromengo ando lokalosko gatisarimasko thaj dine mothodimasko thagaripe
Nacionalno konsilo rromane nacinalne minoritetonendar lundžarela te ćerel vizite Lokalošće korkorrorotuimatenđe thaj rromane thana ando buhljaripe Srbijako, kaj kasave džanglimata sikavebn amenđe kaj naj trubusardi e inicijativa katar lokalosko civilosko sektori, no kaj o zurjavipe katar Nacionalno konsilo e Rromengo inćarel semno zurjavipe sar pala Lokalosko korkorroortuipe, gajda vi pale forutne.

RNS

See author's posts