Šerutnipe Nacionalne konsilesko rromane nacionalne minoritetonendar lundžarda e vizite rromane thanendar ando buhljaripe Srbijako

Šerutnipe Nacionalne kosilestar rromane nacionalne minoritetonendar lundžarda vizite rromane thanenđe ando buhljaripe Srbijako.

Ande delegacija Konsilestar sas o šerutno Dalibor Nakić thaj šerutni po Gatisarimasko odboro Pava Čabrilovski. Von khetane e džipašerutneja guvernatar Koceljeva Vladanosa Janković, rromane pedagogikane asistenosa Željko Aleksić thaj rromane aktivistosa andar Draginje Milorad Aleksić, sas ande vizita ando Fundosko sikavno than „Mića Stanojlović“ ando Draginje.

Ando svato e šerutnesa sikavne thanesko dikhlino si kaj sa rromane čhavorra inćaren jekhutno tretmano katar sikavimatarje thaj profesorja no aver čhavorra andar butimaski populacija, sar vi godova kaj ažutisaripe ando sićope katar pedagogikano asistento si but semno so sikavel vi e rezultaturja.

Vizitava rromane thanendar thaj familijendar ando Draginje dikhlam kaj si jekh katar majbare pharimata ciknjaripe kanalizacione kujbako.

Ande but konstruktivne thaj ilesa putarde svaturja e forutnenca andar thana, samas ando šajipe te ašunas bahtardimata palo šerutnnipe guvernasko, sar vi bahtardimata palo bućaripe Konsilesko andar kotor sikavimasko, savo si lenđe paša bešipe, but semno pučhipe.

O prezidento Nakić ande svaturja thaj vi ando piro mothodipe forutnenđe vaćarda o mištardipe maškar šerutnipe Konsilesktar thaj guvernatar kaj ande avutnimašći vrjama e guverna ulavela vazdimasko materijalo pala kola familije save si bešimasa ando daradipe thaj kaj alavarelape ke donatorja palo gatisaripe pharimasko savo si phanglo pala kanalizacija.

RNS

See author's posts