VIZITE RROMANE THANENĐE – GUVERNA RUMA
Prezidento Nacionalne konsilestar rromane nacionalne minoritetonendar Dalibor Nakić, sas e prezidentova Gatisarimašće odborestar Pava Čabrilovski thaj pokrajinaće dikhljardava thaj membrosa Konsilestar, Jelenava Jovanović, ande vizita ande guverna Ruma.
E Delegacija Nacionalne konsilestar sas ande fundosko sikavimasko than „Ivo Lola Ribar“ ande savi po sićope džal baro đindo rromane nacionostar. Ando svato e direktorasa Svetlanava Kojić thaj pedagogikane asistentova Dušicava Jovanović, e delegacija Konsilestar inkalda gîndipe kaj o sikavno than aktivno bućarel palo inkluzivno sikavipe thaj kaj si e čhavorra thaj bijandimatarja but bahtarde sikavimasa thaj sikamnenca.
Talo bućarimasko maladipe bešimasko ando sikavno than, e delegacija Konsilestar sas ande vizita rromane thanešće „Rupe“ thaj dija svato e forutnenca palo than rromane populacijako, sar vi pale džiakanutne rezultaturja save si aresarde ande inkluzija e Rromenđi. Ande avutnimaski vrjama, sar mothoda koordinatoro pale inkluzija e Rromenđi thaj membro Konsilestar, Danijela Tadić, intenzivno bućarelape palo arakhadipe inćarimašće bešimašće čhinadimatengo maškar maškarthemutne programurja thaj maškar raštraće subvencije ćindimasa katar gavutne ćherutnimata.
O prezidento Nakić naisarda o šerutnipe guvernako save but phare bućarel pale inkluzija e Rromenđi, pala soste den svato vi e čačarde rezultaturja ande nakhli vrjama.
Nacionalno konsilo thaj guverna Ruma lundžarena khetanimasko bućaripe ande avutnimašći vrjama savi sas dži akana po vučo nivelo, inkaldape talo agorisaripe vizitako.
Romski Jezik 
Српски језик