
VIZITE RROMANE THANENĐE
RADNI VIKEND SA PREDSEDNIKOM OPŠTINE I NARODNOM POSLANICOM
Talo lundžaripe vizitengo rromane thanengo, šerutnipe Nacionalne konsilestar rromane nacionalne minoritetonendar sas ande vizite rromane thanenđe ando Trsteniko thaj Vrnjačka Banja. E delagija Konsilestar inđarda o prezidento Dalibor Nakić. a ande late sas generalno sekretaro Dejan Vlajković thaj kobućarno Konsilesko Radomir Raka Vujičić.
Khetane e prezidentova guvernastar Trstenik Ćirić Aleksandar, dikhljarde manušnjava andar Trsteniko Turk Milena thaj direktoreja po Kulturako centro e Rromengo andar Trsteniko Vasić Jugoslav, amen samas ande duj rromane thana ando Trsteniko sar pindžarasasmen pale trubulimata e Rromendar andar thana thaj khetane e šerutne manušenca andar guverna dikhasa e šajimata palo gatisaripe godole trubulimatengo.
O prezidento Nakić ando svato e forutnenca inkalda kaj o šerunipe guvernako ažutisarel thaj zurjavel e inkluzija e Rromenđi ando Trstenik thaj dija alav kaj o Konsilo avela jekhetano partneri guvernako ando nakhavipe palnirime programonengo savo majlačharela o than e Rromengo ando Trsteniko. Lija godova šajipe te naisarel šerutne guvernaske manušešće thaj dikhljarde manušnjaske kaj uladine vrjama thaj aviline ande vizite ko liduj rromane thana e šerutnimasa Konsilestar, so sikavel vi lengo bućaripe te e Rroma ando Trsteniko inćaren sa zurjavipe ando seđesutnimasko trajo.
Ande Vrnjačka Banja talo bućarimasko maladipe e džipašerutneja prezidentostar guvernatar Ivanasa Džatiuć thaj rromane koordinatoreja Dejanova Pavlović, samas ando rromano than thaj diam svato pale trubulimata forutnendar.
Musaj te inkalas kaj e trubulimata e Rromendar si cikne thaj talo andipe katar PDR (Plan detaljne regulacije) thaj ćerdipe kanalizacijako pala soste si losarde fundurja, o than avela sastimasa učhardo infrastrukturava.
Nacionalno konsilo e Rromengo lundžarela majlačhimasko khetanimasko bućaripe e koordinatoreja Pavlovićeja thaj šerutne manušenca ande guverna Vrnjačka Banja