VIZITE RROMANE THANENĐE
RAŠKI UPRAVNI OKRUG

Sar kotor palnosko thaj programosko Nacionalne konsilesstar rromane nacionalne minoritetonendar, prezidento Konsilesko Dalibor Nakić inđarda e delegacija Konsilestar ande vizite rromane thanendar ando Raško ortuimasko kotor. E Delgacija Konsilestar pašo prezidento sas ćerdini katar generalno sekretari Dejan Vlajković, šerutno po trujalimaski kancelarija pala Rasinsko kotor Radomir Raka Vujičić thaj kobućarno andar kotor sikavimasko Momčilo Mutatović.

E vizita forošće Kraljevi teljarid i bešimaske maladimasa e šerutne manušesa po Raško ortuimasko kotor, rajesa Nebojša Simović thaj sikavimatares e Rromendar ando Kraljevo, Zoran Petrović.

P svato sas phanglo pale inkluzija e Rromenđi pe teritorija katar Raško ortuimasko kotor. O šerutno pindžardamen e džiakanutne bućarimava Lokalošće korkorrortuimatendar andar kotor inkluzijako e Rromengo, sar vi pale avutnimašće planurja e detot dićhimava po sićope, therdipe bućarimasko e Rromengo, sar vi dromarimaske thaj komunalne infrastrukturava ande rromane thana.

Prezidento Nakić naisarda e šerutneske Simovićeske pale uladi vrjama thaj maladipe. Majdur, but si naisarimasko kaj si po nivelo trujalimasko kotoresko thaj foro Kraljevo teljardo baro đindo inicijativengo pala majlačharipe trajosko rromane populacijako, inkalda o Nakić.

Ando dujto kotor vizitako, e delegacija Konsilestar sas ando jekh katar maj purane rromane thana ando Kraljevo – Tunel, kaj ando svato e forutnenca pindžardes e sasjekhđesutne pharimatenca rromane populacijava. Ando mištardipe e šerutnimatarenca forostar Kraljevo thaj forutnenca andar kava than, prioriteto ando avutnimaski vrjama avela sanacija katar dromarimaski thaj komunalna infrastruktura, sar vi zurjavipe rromane populacijako ando amalimasko – politikano trajo e forostar Kraljevo.

RNS

See author's posts