OBILAZAK ROMSKIH NASELJA se – Romski Nacionalni Savet

VIZITE RROMANE THANENĐE

BOSILEGRAD – Laloš (maj durano rromano than ande Srbija katar Beogrado)

Sar kotor planosko thaj programosko vizitako rromane thanenego, e delegacija Nacionalne konsilestar rromane nacionalne minoritetorestar ande Srbija ađes sas ande vizita guvernaće Bosilegrad.

O prezidento Dalibor Nakić, generalno sekretari, Dejan Vlajković thaj prezidento Gatisarimašće odborestar, Pava Čabrilovski, inćardine bbućarimasko maladipe e prezidentosa guvernatar Vladimirosa Zaharijevosa thaj prezidentosa Nacionalne konsilestar katar bugarsko nacionalno minoriteto, Stefanosa Stojkov. Tale godova, khetane sas ande vizita ando than Laloš, ando savo trajil 250 manuša rromane nacionostar.

Ando piro mothodipe forutnenđe thaj medijenđe, o prezidento Nakić inkalda kaj si but bahtalo bućarimasa thaj nakhavimasa katar šerutnipe guvernako po čikat e prezidentova Zaharijevosa thaj prezidenosa katar bugarsko Nacionalno konsilo thaj rromane forutne thaj dikhla kaj o thaj Laloš inćarel asfaltirime droma, paj, kotor thanesko si vi kanalizacija, but forutne si bućardne ande putarde bućarimašće than thaj firme, sar vi godova kaj ando Bisilegrado si but lačhi maškarnacionalna klima.
“Sa jekh vrjama si than palo majlačharipe trajimašće čhinavimasko, a amaro Nacionalno konsilo si gatisardo te ažutisarel guvernaće Bosilegrad ande godova”, inkalda o Nakić.

Prezidento Nacionalne konsilestar katar bugarsko nacionalno minoriteto, Stefan Stojkov, inkalda but lačho khatanimasko bućaripe maškar rromano thaj bugarsko Nacionalno konislo, savo avela majpharo thaj majzuralo ando avutnipe thaj lundžarda kaj e Rroma ando Bosilegrado line kotor ando majbuhlo amalipe po sa jekh varo.

“Amen sam phrala thaj gatisarde sam te maksimalno ažutisaras ando sa jekh momento”, mothoda o prezidento guvernako Zaharijev.

Po agor, o prezidento Nakić akharda sa e manuša rromane nacionostar te tromale alavarenepes sar e Rroma, pala soste naj nisave ačhadimata. Majdur, te ramosarenpes ando ulado Losarimasko lil, sar inćarena šajipe te len kotor ande losarimata pale Nacionalne konsilurja save inćarenape džiko agor bršesko.