SAOPŠTENJE ZA JAVNOST

Mothdodipe forutnenđe Srbijaće palo lošanipe rromane sumnale đesesko „Tetkica Bibija“
„Tektica Bibija“

Paćivalen forutnimatarja Srbijaće,

Čače paćivale Rroma ađes lošanin e „tetkica Bibija.“ Bibi si sumnali manušnji, savi e Rroma andar Srbija lošanin palo lesamalipe sastimasko, detot sastipe čhavorrengo.
Sar mothol dumuntipe, e Bibija lesmarda sastipe ande vrjama kana e Kolera inđarda but trajurja. Bi thanesko kaj šaj te mećhel piro šoro, ando jekh šudro ivendako rjat, Bibija dromarisarda pire duje buznjorenca, sa džike ando ćher či lijala jekh rromani čorri familija. Dine laće maj paluno kotor mangrresko save sas len, thaj dine la o than palo sovipe.

E čhavorra save trajisardine ande godova ćher sanas nasvale koleratar, a e Bibija prdaj rjat sastardalen pire sastarimašće drabenca thaj luluđenca.

Ađes, ande vrjama kana e Korona sar globalo daradipe andar bučumo averčhandel e trajurja pe sasti planeta, detot rudisaras e Bibijas te ažutisarel sa kolenđe save si nasvale te majsigo sastarenpe thaj te ačhavelpes majdurano buhljaripe kale nasvalimasko.

VAKARIPE E PUBLIKAKE
Vakaripe e Srbijake rezidenturenge panglino vaš o vazdipe e Romane bare đesesko „Bibija“

Pačivale rezidentura e Srbijake,
E ortodoksne Roma avđive semnosaren i Bibija. I Bibi si amari devlikani, savi sar paćan e Roma katar i Srbija ažutisarel thaj pučarel sastimasa, majbut e čhavren.
Sar vakardol, i Bibija dija sastipe ando vahto kana i kolera inđarda but e manušen. Ni sasas la kaj te crdelpes raćate katar šudripe e ivendesko, i Bibija gija phirda pire duje bakrenca, sa džikaj ando ćher ni lijalas peste jek čorori Romani familija. Von dije laće prio paluno kotor e marnesko thaj ćerde lače than kaj te sovel. E čhavre save dživdisarde an godova ćher sesas nasvale katar i kolera, i Bibi trujal i rjat crdija lendar o nasvalipe pire drabencar thaj ćarencar.
Avđive, an vahto kana i Korona sar baro daradipe savo katar i hajing paruvel o dživdipe pi sasti planeta, specijalno rudisaras amen e Bibijaće te ažutisarel savorenđe save si nasvale te majsig saston vi te čhinavelpes o buhljaripe akale nasvalinasko.

Bibijako Sastipe!

RNS

See author's posts